Breaking: ఈరోజు తెల్లవారుజామున కృష్ణా జిల్లా గన్నవరం లో భారీ అగ్ని ప్రమాదం సంభవించింది. విజయ పాలిమర్స్ లో ఒక్కసారిగా మంటలు చెలరేగడంతో.. అతి తక్కువ సమయంలోనే ఫ్యాక్టరీ మొత్తం.. మంటలు వ్యాపించాయి. ఉదయం ఒక్కసారిగా మంటలు చెలరేగడంతో ఈ కంపెనీ చుట్టుప్రక్కల ప్రజలు మరియు స్థానికులు భయాందోళనలతో ఇళ్ల నుండి పరుగులు తీశారు.
ఆ ప్రాంతం మొత్తం దట్టమైన పొగలు కమ్ముకోవడంతో.. స్థానికులు భయాందోళన చెందారు. ఇదే క్రమంలో ఈ కంపెనీ పక్కనే పలు పరిశ్రమలు ఉండటంతో.. మరింత ప్రమాదం సంభవించే అవకాశాలు ఉండటంతో స్థానికులు మరియు ఫైర్ సిబ్బంది మంటలను అదుపు చేయడానికి భారీగా కష్టపడ్డారు. ఈ క్రమంలో సమాచారం తెలుసుకున్న వెంటనే పోలీసులు సంఘటనా స్థలానికి చేరుకుని అగ్నిప్రమాదానికి గల కారణాలను గురించి ఆరా తీస్తున్నారు. జరిగిన అగ్ని ప్రమాదంలో ప్రాణనష్టం ఏమీ కాకపోయినా గానీ ఆస్తినష్టం భారీగానే వాటిల్లినట్లు సమాచారం.