Ram : రామ్ కి టాలీవుడ్ లో ఎనర్జిటిక్ హీరో అన్న ఇమేజ్ ఉన్న సంగతి తెలిసిందే. ఆ ఇమేజ్ కి మాస్ హీరో అన్న ఇమేజ్ దక్కించుకోవాలని ఎప్పటి నుంచో ప్రయత్నిస్తున్నాడు. ఆ ప్రయత్నం ఇస్మార్ట్ శంకర్ సినిమాతో సక్సస్ అయింది. రామ్ కెరీర్ లో ఇప్పటి వరకు రాని మాస్ ఇమేజ్ ఇస్మార్ట్ శంకర్ సినిమాతో వచ్చింది. ఆ ఇమేజ్ ని రెట్టింపు చేసుకునేందుకు తమిళ హిట్ సినిమా తడం రీమేక్ లో నటించాడు. రెడ్ అన్న టైటిల్ తో తెరకెక్కిన ఈ సినిమా మంచి మాస్ హిట్ గా నిలిచింది. బ్యాక్ టు బ్యాక్ రెండు మాస్ హిట్స్ అందుకున్న రామ్ మరోసారి మాస్ ఎంటర్టైనర్ లోనే నటించబోతున్నాడు.
రీసెంట్ గా రామ్ తన కెరీర్ లో చేయబోతున్న 19 ప్రాజెక్ట్ ని ప్రకటించాడు. ఈ సినిమా తమిళ దర్శకుడు ఎన్.లింగుస్వామి దర్శకత్వం వహిస్తున్నాడు. ఈ సినిమాకి రాక్ స్టార్ దేవీశ్రీప్రసాద్ సంగీతం అందించబోతున్నట్టు వార్తలు వస్తున్నాయి. ఇక ఈ సినిమాలో హీరోయిన్ గా కృతిశెట్టి హీరోయిన్ గా దాదాపు ఫైనల్ అయిందట. ఇలా రామ్ వరసగా మాస్ ఎంటర్టైనర్స్ నే కమిటవుతున్న మరో మాస్ డైరెక్టర్ తో సినిమా కి గ్రీన్ సిగ్నల్ ఇచ్చినట్టు లేటెస్ట్ అప్డేట్.
ఆ దర్శకుడే బోయపాటి శ్రీను. బోయపాటి శ్రీను తెరకెక్కించే సినిమాలలో హీరోలను మాస్ హీరోగా ఏరేంజ్ లో చూపిస్తాడో అందరికీ తెలిసిందే. రవితేజ, బాలకృష్ణ, అల్లు అర్జున్ లాంటి హీరోలకి బోయపాటి శ్రీను భారీ హిట్స్ ఇచ్చాడు. కాగా ప్రస్తుతం బాలకృష్ణ తో బోయపాటి శ్రీను ఒక సినిమా చేస్తున్నాడు. ఈ సినిమా ప్రస్తుతం షూటింగ్ దశలో ఉంది. ఈ సినిమా తర్వాత ఎనర్జిటిక్ హీరో రామ్ తో బోయపాటి శ్రీను ఒక సినిమా చేయబోతున్నాడని తెలుస్తోంది. ఇదే నిజమైతే రామ్ కి భారీ హిట్ దక్కడం ఖాయం అంటున్నారు.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?