సుకుమార్ – స్టైలిష్ స్టార్ అల్లు అర్జున్ – రాక్ స్టార్ దేవీశ్రీ ప్రసాద్ ..ఈ కాంబినేషన్ అంటే ఆర్య, ఆర్య 2 సినిమాలే గుర్తొస్తాయి. ఈ రెండు సినిమాలు సూపర్ హిట్ గా నిలిచాయి. అల్లు అర్జున్ కి స్టైలిష్ స్టార్ అన్న పేరు కూడా తీసుకు వచ్చిన సినిమాలు. ఇక దేవీ సత్తా ఏంటో ఈ రెండు సినిమాలు నిరూపించాయి. అంతేకాదు ఆర్య సినిమాలో అ అంటే అమలాపురం, ఆర్య 2 లో రింగ రింగ సాంగ్స్ యూత్ ని మాస్ ఆడియన్స్ ని ఎంతగా ఆకట్టుకున్నాయో అందరికీ తెలిసిందే.
ఇక దేవీశ్రీ ప్రసాద్ మ్యూజిక్ అంటే హీరోలకి వచ్చే ఎనర్జీనే వేరు. ఈ విషయం మెగాస్టార్ చిరంజీవి, యంగ్ టైగర్ ఎన్.టి.ఆర్ లాంటి స్టార్స్ ఓపెన్ గా చెప్పిన సందర్భాలున్నాయి. సినిమా ఎలా ఉన్న దేవీ తన సాంగ్స్, బ్యాక్ గ్రౌం డ్ మ్యూజిక్ తో హిట్ టాక్ వచ్చేలా చేస్తాడు. అందుకే దేవీశ్రీ ప్రసాద్ మీద అందరికీ అపారమైన నమ్మకం.
ఇక ఈ ఏడాది ప్రారంభంలోనే అల వైకుంఠపురంలో సినిమాతో ఇండస్ట్రీ హిట్ అందుకున్నాడు అల్లు అర్జున్. త్రివిక్రమ్ దర్శకత్వంలో రూపొందిన ఈ సినిమాకు థమన్ సంగీతాన్ని అందించాడు. ఈ సినిమా మ్యూజిక్ ఆల్బం సౌత్ ఇండియాలో నే టాప్ ఆల్బంగా నిలిచింది. ఇప్పటి వరకు 1.5 బిలియన్ ల యూట్యూబ్ వ్యూస్ ను ఈ చిత్రం దక్కించుకుంది. ఈ ఏడాది పూర్తి అయ్యేప్పటి వరకు రెండు బిలియన్ ల వ్యూస్ వరకు వచ్చే అవకాశం ఉందంటున్న టాక్ వినిపిస్తుంది.
దాంతో ఇప్పుడు అల్లు అర్జున చేయబోతున్న తాజా చిత్రం ‘పుష్ప’ మీద అంచనాలు భారీగా ఉన్నాయి. ముఖ్యంగా ఆ సినిమాకు దేవిశ్రీ ప్రసాద్ అందించబోతున్న పాటలు ఎలా ఉంటాయా అన్న ఆసక్తి అందరిలోను ఉంది. అందుకే సుకుమార్ – అల్లు అర్జున్ – దేవీశ్రీ ప్రసాద్ హ్యాట్రిక్ కొట్టాలని గట్టి ప్రయత్నాలు చేస్తున్నారు. ముఖ్యంగా దేవిశ్రీ ప్రసాద్ మ్యూజిక్ ఆల్బంను అత్యంత ప్రతిష్టాత్మకంగా తీసుకున్నాడట. ఎటువంటి పరిస్థితుల్లో పుష్ప ఆల్బం అద్భుతంగా రావాలన్నదే దేవీశ్రీ కసి అని అంటున్నారు.
Bigg Boss Ashwini: రాత్రి 4 అయినా నిద్ర పట్టడం లేదు… బోల్డ్ కామెంట్స్ చేసిన బిగ్ బాస్ అశ్విని..!