తెలుగు టెలివిజన్ ప్రేక్షకులంతా బిగ్ బాస్ గ్రాండ్ ఫినాలే ఎపిసోడ్ కోసం ఎదురు చూస్తూ ఉన్నారు. ఈనేపథ్యంలో టైటిల్ విన్నర్ ఎవరు అన్న దాని విషయంలో ఎటువంటి వార్తలు లీక్ అవ్వకుండా షో నిర్వాహకులు జాగ్రత్త పడుతున్నారు. ప్రేక్షకులలో సస్పెన్స్ ఉండేలా అన్నపూర్ణ స్టూడియో చుట్టూ పగడ్బందీ సెక్యూరిటీతో షో షూటింగ్ జరుపుతున్నారు.
ఇదిలా ఉండగా ఈసారి ఫైనల్ ఎపిసోడ్ కోసం చాలా మందిని షో నిర్వాహకులు తీసుకురావటం తాజా ప్రోమో బట్టి తెలుస్తోంది. మ్యూజిక్ డైరెక్టర్ తమన్ టాప్ హీరోయిన్లతో పాటు ఇండస్ట్రీలో ఒక్క ఫ్లాప్ లేని డైరెక్టర్ గా ఎంటర్టైన్మెంట్ సినిమాలు చేస్తున్నా అనిల్ రావిపూడి కూడా హౌస్ లో ఎంటర్ అవడం కనబడుతోంది. ఎంటర్ అవటమే కాక.. ఇంటిలో ఉన్న సభ్యులు గతంలో ఏ విధంగా వ్యవహరించారు, వారి మాట తీరు అంతటినీ అనిల్ రావిపూడి ఇమిటేట్ చేయడం గ్రాండ్ ఫినాలే ఎపిసోడ్ కి హైలెట్ గా మాత్రమే కాక హౌస్ లో మంచి కామెడీ పుట్టించింది.
మొత్తంమీద చూస్తే సీజన్ ఫోర్ గ్రాండ్ ఫినాలే ఎపిసోడ్ భారీ ఎంటర్టైన్మెంట్ తరహాలో షో నిర్వాహకులు ప్లాన్ చేసినట్లు తాజా ప్రోమోలు బట్టి తెలుస్తోంది. మరోపక్క టైటిల్ విన్నర్ ప్రకటించడానికి ముఖ్య అతిథిగా రెండోసారి మెగాస్టార్ చిరంజీవి ఈ షోకి రానున్నట్లు సోషల్ మీడియా టాక్ వినపడుతోంది. టైటిల్ విన్నర్ మొత్తం అన్నిటిని షో నిర్వాహకులు షూటింగ్ నాలుగు గంటలకు ముగించుకొని 6 గంటలకు మొత్తం టెలికాస్ట్ చేయాలని ప్లాన్ చేస్తున్నట్లు సమాచారం.