పవన్ కళ్యాణ్ తో ఈ ఒక్క సినిమా పడి ఉంటే ఆ యంగ్ డైరెక్టర్ కెరీర్ ఇంకోలా ఉండేది ..?

పవన్ కళ్యాణ్ తో ఒక్క సినిమా చేయాలని కాళ్ళకి ఉన్న చెప్పులు అరిగేలా తిరిగే దర్శకులు చాలామందే ఉన్నారు. ఈ విషయంలో గతంలో ఒకసారి pawan kalyan కూడా నిజంగా నాతో సినిమా చేయాలన్న తపన, పట్టుదల ఉన్న దర్శకుడు ఖచ్చితంగా నన్ను చేరుకుంటాడని చెప్పుకొచ్చాడు. అయితే pawan kalyan తో ఒక స్టార్ ప్రొడ్యూసర్ సినిమా చేయడానికే దాదాపు పదేళ్ళు పట్టుందన్నది ఈ మధ్య ఇండస్ట్రీలో వినిపిస్తున్న మాట. ఆ స్టార్ ప్రొడ్యూసర్ మరెవరో కాదు ప్రముఖ నిర్మాత దిల్ రాజు. దిల్ రాజు .. టాలీవుడ్ లో పాన్ ఇండియన్ స్టార్ ప్రభాస్, మహేష్ బాబు సహా చాలామంది హీరోలతో సినిమాలు నిర్మించాడు.

రీసెంట్ గా బాలీవుడ్ లో కూడా అడుగుపెట్టి సినిమాలను నిర్మిస్తున్నాడు. అయితే pawan kalyan తో సినిమా చేయాలని 10 ఏళ్ళుగా ట్రై చేస్తే ఇప్పుడు వకీల్ సాబ్ తో అది సాధ్యమైంది. అలాగే డైరెక్టర్స్ కూడా చాలా మంది క్యూలో ఉన్నారు. కాని pawan kalyan అందరికీ డేట్స్ ఇవ్వలేకపోతున్నాడు. వకీల్ సాబ్ తర్వాత 5 సినిమాలు చేయబోతున్నాడు. వాటిలో క్రిష్, హరీష్ శంకర్, సాగర్ కె చంద్ర, సురేందర్ రెడ్డి దర్శకత్వంలో తెరకెక్కబోతున్న సినిమాలున్నాయి. అలాగే బండ్ల గణేష్ నిర్మాణంలో తెరకెక్కే ప్రాజెక్ట్ కూడా ఉండగా ఈ సినిమాకి దర్శకుడు ఇంకా ఎవరన్నది ఫైనల్ కాలేదు.

అయితే వీళ్ళందరికంటే ముందే ఒక యంగ్ డైరెక్టర్ pawan kalyan ని డైరెక్ట్ చేసేవాడు. నిజంగా ఆ అవకాశం వచ్చి పవన్ కళ్యాణ్ తో తీసిన సినిమా బ్లాక్ బస్టర్ అయితే ఇప్పుడు ఆ దర్శకుడి రేంజ్ టాలీవుడ్ లో మరోలా ఉండేది. కాని pawan kalyan రాజకీయాలలోకి వెళ్ళడంతో ఆ యంగ్ డైరెక్టర్ కి pawan kalyan ని డైరెక్ట్ చేసే ఛాన్స్ మిస్ అయింది. పవన్ కళ్యాణ్ అజ్ఞాతవాసి సినిమా చేస్తున్న సమయంలోనే కందిరీగ ఫేం సంతోష్ శ్రీనివాస్ తో ఒక ప్రాజెక్ట్ పవన్ కళ్యాణ్ తో సెట్ అయినట్టే అయి ఆగిపోయిందట. ఆ సినిమా తమిళ సూపర్ హిట్ తేరి కి రీమేక్ అని ఇటీవల దర్శకుడు బయట పెట్టాడు. అయితే పవన్ కళ్యాణ్ ఇప్పుడు పిలిచినా ఆ స్క్రిప్ట్ తో సెట్స్ మీదకి వెళ్ళడానికి రెడీగా ఉన్నానంటున్నాడు. చూడాలి మరి పవన్ కళ్యాణ్ మళ్ళీ సంతోష్ శ్రీనివాస్ ని పిలుస్తాడా లేదా ..!