Pregnancy: పిండోత్పత్తి జరిగిన దగ్గర నుంచి బిడ్డ పుట్టే వరకు తల్లి గర్భంలో పిండం ప్రతి నెలా మార్పు చెందుతూనే ఉంటుంది. ఆ మార్పులకు అనుగుణంగా ప్రతి నెలకు ఒక గ్రహం అధిపతిగా ఉంటారు.
మొదటి నెలలో శుక్ర గ్రహ ప్రభావం ఉంటుంది. పిండంలో శుక్ర , శోణితం ద్రవ రూపంలో ఉంటాయి.
రెండవ నెలలో కుజ గ్రహ ప్రభావం ఉంటుంది. పిండంలో శుక్ర శోణితం గట్టిగా మారుతుంటాయి.
మూడో నెలలో గురు గ్రహ ప్రభావం ఉంటుంది. పిండంలో జీవం మొదలవుతుంది.అవయవాలు ఏర్పడటం మొదలవుతుంది.
నాలుగో నెలల్లో రవిగ్రహ ప్రభావం ఉంటుంది. పిండంలో ఎముకలు తయారవడం మొదలవుతుంది.
అయిదో నెలలో చంద్ర గ్రహం ప్రభావం ఉంటుంది. పిండంలో ద్రవ పదార్థాలు,చర్మం ఏర్పడటం మొదలవుతుంది.
ఆరవ నెలలో శని గ్రహం ప్రభావం ఉంటుంది. గర్భం లో శిశువుకు జుట్టు మొదలవుతుంది.
ఏడో నెలలో బుధ గ్రహ ప్రభావం ఉంటుంది. గర్భంలోని బిడ్డకు స్పర్శ జ్ఞానం మొదలవుతుంది.
ఎనిమిదవ నెలలో తల్లి యొక్క లగ్నాధిపతి ప్రభావం బిడ్డ మీద ఉంటుంది.
తొమ్మిదో నెలలో చంద్ర గ్రహ ప్రభావం ఉంటుంది. గర్భంలో శిశువుకు ఆహారం తీసుకోవడం తెలుస్తుంటుంది.
పదోవ నెలలో రవి గ్రహ ప్రభావం ఉంటుంది.
♦గర్భవతిగా ఎన్నో నెల లో ఉన్న ఆ నెలకు ఉన్న మాసాధిపతి గోచారంలో బలహీనం గా ఉండకూడదు. ఒక స్త్రీ యొక్క జాతకంలో ఏదైనా గ్రహం బలహీనంగా ఉంటే ఆ గ్రహ ప్రభావం చూపించే నెలలో గర్భంలో శిశువుకు ఇబ్బందులు కలగడం కానీ.. గర్భస్రావం జరగడం లేదా గర్భ సంబంధమైన సమస్యలు వస్తుంటాయి.
ఉదా:- గర్భవతి జాతకంలో బుధుడు బలహీనపడిన ఏడో నెలలో ఇబ్బందులు రావడం లేదా ప్రసవ సమయంలో కష్టాలు రావడం వంటివి జరుగుతాయి. కాబట్టి స్త్రీ జాతకంలో ఏ గ్రహం బలహీనంగా ఉన్నదో గర్భవతిగా ఉన్నప్పుడు ఎన్నో నెల జరుగుతుంది ఆ ఆ నెలకు అధిపతి గోచారంలో బలంగా ఉందొ లేదో ముందుగా పరిశీలించి ఆ గ్రహానికి సంబంధించిన శాంతి చేసుకుంటే గర్భ రక్షణ పొందవచ్చు.