ప్రస్తుతం ఓటీటీల కాలం. థియేటర్ కు వెళ్లి సినిమాలు చూసేంత సమయం ఎవరికి ఉంది. అప్పటిలా ఇప్పుడు అందరూ థియేటర్లకు వెళ్లడం లేదు. ఇంట్లోనే ఉండి.. చూడటానికి ఎక్కువగా ఇష్టపడుతున్నారు. అందుకే ఓటీటీలకు డిమాండ్ పెరిగింది. తెలుగులో కూడా ఆహా అనే ఓటీటీ ప్లాట్ ఫాం ఉంది. అయితే.. ఈ ప్లాట్ ఫాంలో సినిమాలు, వెబ్ సిరీస్ లతో పాటు సామ్ జామ్ అనే ఓ స్పెషల్ షోను నిర్వహించారు.
సామ్ జామ్ షో ప్రత్యేకత ఏంటంటే.. ఆ షో హోస్ట్ సమంత. సమంత అంటే తెలుగు రాష్ట్రాల్లో ఎంత క్రేజ్ ఉందో ప్రత్యేకంగా చెప్పుకోవాల్సిన అవసరం లేదు. సమంత బిగ్ బాస్ లో కూడా ఒక రోజు హోస్ట్ చేసి అందరినీ మెప్పించింది. అందుకే సామ్ జామ్ షోకు హోస్ట్ గా తనను తీసుకున్నారు.
నిజానికి సామ్ జామ్ షో అనేది ఇంత సక్సెస్ కావడానికి కారణం సమంతానే. తన సరికొత్త హోస్టింగ్ తో షోను ఎక్కడికో తీసుకెళ్లింది. ఇప్పటికే ఫస్ట్ సీజన్ పూర్తయింది. ఫస్ట్ సీజన్ ఫైనల్స్ లో తన భర్త నాగచైతన్యను ఇంటర్వ్యూ చేసింది సమంత.
మొత్తానికి సమంత హోస్ట్ గా సెట్ అయిపోయినట్టే. ఈసందర్భంగా సామ్ జామ్ షో హ్యాపీనెస్ థీమ్ ను ఆహా తమ యూట్యూబ్ అకౌంట్ లో విడుదల చేసింది. ఆ వీడియోలో సమంత ఎపిసోడ్స్ అన్నింటి ఇంట్రో ఉంటుంది. సమంత నవ్వుతూ డ్యాన్స్ చేస్తూ స్టేజ్ మీదకు వస్తుంటుంది. బ్యాక్ గ్రౌండ్ లో సామ్ జామ్ పాట ప్లే అవుతుంది. మొత్తానికి సమంత కెరీర్ బుల్లితెర వైపు మళ్లుతోందన్నమాట. ఇంకెందుకు ఆలస్యం.. మీరు కూడా ఈ వీడియో చూసేయండి మరి.