Pushpa Movie : స్టైలిష్ స్టార్ అల్లు అర్జున్ తో ఇండస్ట్రీలో స్టైలిష్ గా సినిమాలు తీసే డైరెక్టర్ సుకుమార్ “పుష్ప” సినిమా చేస్తున్న సంగతి తెలిసిందే.
గతంలో వీరిద్దరి కలయికలో వచ్చిన రెండు సినిమాలు ప్రేక్షకులను ఓ మాదిరిగా అలరించిన క్రమంలో “పుష్ప” సినిమాపై అంచనాలు భారీగా ఉన్నాయి. అంతేకాకుండా ఇద్దరూ మంచి విజయాలను సాధించిన తర్వాత చేస్తున్న సినిమా కావడంతో “పుష్ప” గ్యారెంటీ హిట్ అనే టాక్ ప్రస్తుతం ఇండస్ట్రీలో వినపడుతోంది. ఈ సినిమాకోసం సుకుమార్ చాలా టైం తీసుకోవడమే కాక కరోనా వైరస్ దెబ్బకి టైం దొరకడంతో.. సినిమాలో ప్రతి ఫ్రేమ్ ప్రేక్షకులను అలరించే రీతిలో అన్ని జాగ్రత్తలు తీసుకున్నట్లు ఫిలిం నగర్ టాక్. ఇదిలా ఉంటే సినిమాలో గంధపు చెక్కల స్మగ్లర్ అదేవిధంగా లారీ డ్రైవర్ పాత్రలో అల్లు అర్జున్ పాత్ర ఉండబోతుందట. పైగా సినిమా పాన్ ఇండియా తరహాలో తెరకెక్కిస్తున్న నేపథ్యంలో సినిమాపై పై బన్నీ అభిమానులు బీభత్సమైన అంచనాలు పెట్టుకున్నారు. అంతేకాకుండా ఈ సినిమాలో అల్లు అర్జున్ చాలా మాసివ్ గా ఉరా మాస్ తరహాలో.. ఉంటున్నట్లు ఇటీవల రిలీజ్ అయిన పోస్టర్లు.. ఉంటున్న నేపథ్యంలో సినిమా స్టోరీ పై ఉత్కంఠత నెలకొంది. ఇలా ఉంటే “పుష్ప” సినిమాకి సంబంధించి ఫ్రీ రిలీజ్ బిజినెస్ అప్పుడే స్టార్ట్ అయినట్లు నైజాం హక్కులు 40 కోట్లకు అమ్ముడైనట్లు ఇండస్ట్రీలో టాక్. అధికారికంగా ఈ వార్త బయటకు ఎవరు చెప్పకపోయినా కానీ ఇండస్ట్రీ వర్గాల్లో మాత్రం విపరీతంగా వినబడుతోంది. దీంతో సినిమా షూటింగ్ జరుగుతుండగానే.. అదరగొట్టే రీతిలో “పుష్ప” ప్రీ రిలీజ్ బిజినెస్ జరుగుతున్నట్లు వార్తలు వస్తున్నాయి. ఇదిలాఉంటే ఇటీవల రిలీజ్ అయిన పిక్ లో ఆగస్టు 13వ తారీకు సినిమా రిలీజ్ చేస్తున్నట్లు సినిమా యూనిట్ క్లారిటీ ఇవ్వడంతో బన్నీ అభిమానులు.. ఫుల్ హ్యాపీగా ఉన్నారు.