Hanuman Real Photo: సూర్యనారాయణ శాస్త్రి ఆ వెలుతురులో గుహను ఫొటో తీయగానే చనిపోయారని ఆయనకి మోక్షం కలిగిందని అప్పట్లో కథనాలు వినిపించాయి. గవర్నమెంట్ రెస్క్యూ టీమ్కు సూర్యనారాయణ ఆ పర్వతాలలో ఓ శవమై కనిపించారు. అధికారులు అతని భౌతిక కాయంతో పాటుగా ఆయన కెమేరాను కూడా కుటుంబ సభ్యులకు అందించగా అందులో ఈ ఫొటోకు సంబంధించిన రీలు బయట పడిందట. కానీ ఈఫోటో డెవలప్చేసిన ఫణి మరియు సుబ్రహ్మణ్యం కొద్ది రోజుల తర్వాత మరణించారు.
అయితే ఇంతకీ ఆ రోజు సూర్యనారాయణ శాస్త్రి చనిపోవడాన్ని ఎవరూ నేరుగా చూడలేదు కానీ ఈ కథనం మాత్రం ప్రాచుర్యం పొందింది. ఇక్కడే గమనించవలసిన ఆసక్తికర విషయాలు ఎన్నో ఉన్నాయి. ఆ ఫొటోను పరిశీలిస్తే అది గుహలో తీసిన చిత్రంలా అనిపించకపోవడమే కాకుండా హనుమాన్ వెనుక ఉన్న బ్యాక్గ్రౌండ్లో టైల్స్ ఉన్నాయి. అలాగే ఆయన చేతిలో బైండింగ్ పుస్తకం కూడా ఒకటి ఉంది. ఆ పుస్తకం తులసీదాస్ రాసిన రామచరిత మానస్. అసలు హనుమంతుడికి పుస్తకం చూసి చదివాల్సిన అవసరం ఏముంది ఆయన నిత్యం రామ జపం చేస్తూ ఉంటారు కదా! అలాగే ఆ బైండింగ్ పుస్తకం ఆయనకు ఎలా లభించింది? ఆ మంచు గుహలో ఆధునిక టైల్స్ ఎలా వచ్చాయి? ఇవి అన్నీ ఆలోచించిన వారికి సూర్యనారాయణ శాస్త్రి అసలు ఆ చిత్రాన్ని ఎక్కడ తీశారానే సందేహం వచ్చింది.
అయితే, సూర్యనారాయణ శాస్త్రి ఆ ఫొటోను 1998వ సంవత్సరంలోనే తీశారు కానీ అది నేరుగా తీసిన చిత్రం కాదట. ఇదే చిత్రం 1995 సంవత్సరం క్యాలెండర్లో ఉందట. ఆయన ఆ 1995 క్యాలెండర్లోని ఫొటో ను తన కెమెరా లోకి ఫొటో తియ్యగా ఈ ఫోటో బయటకు వచ్చినట్లు తెలుస్తోంది.
ఇక సూర్యనారాయణ శాస్త్రీ విషయానికి వస్తే, ఇది చాలా కష్టతరమైన యాత్ర అవ్వడంతో ఆయన కేవలం అనారోగ్యం వల్లే చనిపోయి ఉంటారని భావిస్తున్నారు. ఈ ఆధారాల ఆధారంగా సూర్యనారాయణ శాస్త్రీ, సుభ్రహ్మణ్యం మరియు ఫణీల మరణానికి ఆ ఫొటో కారణం కాదని అర్ధమవుతుంది.
Part-1 కోసం ఇక్కడ క్లిక్ చేయండి
గమనిక: ఈ కథనాన్ని కేవలం కొన్ని స్పష్టమైన ఆధారాలు మరియు సమాచారంతో అందిస్తున్నాం తప్ప భక్తుల మనోభావాలను కించపరిచే ఉద్దేశంతో కాదని గమనించగలరు.