ప్రముఖ సీనియర్ నటుడు అర్జున్ మేనల్లుడు కన్నడ స్టార్ చిరంజీవి సర్జా చాలా చిన్న వయసులోనే గుండెపోటుతో మరణించాడు. కరాబు మైండ్ అనే సాంగ్ తో ఇండియా వైడ్ గా చిరంజీవి సర్జా పాపులర్ అయ్యాడు. మంచి భవిష్యత్తు ఉన్న యంగ్ హీరో మరణించడంతో ఇండస్ట్రీ ప్రముఖులందరూ తీవ్ర దిగ్భ్రాంతికి గురయ్యారు. చిరంజీవి సర్జా మరణంతో అతని భార్య మేఘన ఎంతగానో కృంగిపోయింది. అతను మరణించే సమయానికి మేఘన గర్భవతిగా ఉన్నారు.
రెండో పెళ్లి
ఆ సమయంలో ఆమె ఎంత బాధ పడ్డా కూడా ఆ తరువాత ఆమె మనోధైర్యంతో రోజులు గడిపి కొన్ని నెలలకు ఒక మగ బిడ్డకు జన్మనిచ్చింది. ఆ బిడ్డలోనే తన భర్తను చూసుకొని సంతోష పడింది. మేఘనది కూడా చిన్న వయసే. ఆమెకి చాలా భవిష్యత్తు ఉంది. కాగా కొడుకుని అల్లారు ముద్దుగా పెంచుకుంటున్న మేఘన రెండో పెళ్లికి సిద్ధమైందనే వార్తలు ఎప్పటినుంచో వినబడుతున్నాయి. తాజాగా ఈ విషయం గురించి మేఘన స్పందించింది. ఆ విషయం గురించి ఆమె మాట్లాడుతూ ” కొంతమంది నన్ను రెండో పెళ్లి చేసుకోమని సలహా ఇస్తున్నారు. మరి కొంతమంది ఏమో నా కొడుకుని బాగా చూసుకుని, అతనితోనే ఉండమని చెబుతున్నారు. ఇప్పుడు నేను ఎవరి మాట వినాలి? అనేది అసలు అర్థం కావట్లే” అని ఆమె చెప్పుకొచ్చింది. తన భర్త చిరంజీవి ఎప్పుడూ కూడా ఈ ప్రపంచం ఏమనుకుంటుందనే దాని గురించి పక్కన పెట్టి నీ మనసుకి ఏం అనిపిస్తే అదే చేయమని చెప్పేవారని తెలిపింది.
క్లారిటీ ఇచ్చిందిగా
ఈ స్టార్ హీరో భార్య మాట్లాడుతూ.. అసలు తనకు పెళ్లిపై ఆలోచన లేదని, ఇప్పటివరకు ఆ విషయం గురించి ఆలోచించలేదని, రేపు ఏం జరుగుతుందో, తన జీవితం ఎలా మలుపు తిరుగుతుందో అనేది తనకే తెలియదని చెప్పుకొచ్చింది. ఏదైతేనేం ఇప్పటికైనా తన రెండో పెళ్లి గురించి ఈమె ఒక క్లారిటీ ఇచ్చింది. చిరంజీవి- మేఘనరాజ్ పదేళ్లుగా ప్రేమించుకొని 2018 మే 2న వివాహం చేసుకున్నారు. మేఘన గర్భవతిగా ఉన్న కొన్ని నెలలకే చిరంజీవి సర్జా 2020 జూన్ 7న గుండెపోటుతో మరణించారు. ప్రస్తుతం వీరికి రాయన్ రాజ్ సర్జా అనే కుమారుడు వున్నాడు.