Thaman : సినిమా ఇండస్ట్రీలో ఎప్పుడు ఎవరి హవా ఓ రేంజ్‌లో సాగుతుందో చెప్పలేము. అది డైరెక్టర్ అయినా, హీరో అయినా, హీరోయిన్ అయినా, మ్యూజిక్ డైరెక్టర్ అయినా. ఎవరికి క్రేజ్ ఉంటే ఇండస్ట్రీలో అందరూ వాళ్ళ వెనకనే పడతారు. ప్రస్తుతం టాలీవుడ్ ఇండస్ట్రీలో అందరు మ్యూజిక్ సెన్షేషన్ తమన్ వెనకాలే పడుతున్నారు. ఒకరకంగా చెప్పాలంటే రెండేళ్లకు ముందు తమన్ పేరు అలా అలా వినిపించేది. ఎంతసేపు బాదిన బాదుడే బాది విసిగిస్తున్నాడని కామెంట్స్ చేశారు.
కానీ తమన్ పేరు మోత మోగిపోతోంది. ఆయన లేకుండా సినిమాల్లో వార్తలు రావడం లేదంటే నమ్మి తీరాల్సిందే. ప్రస్తుతం తమన్ మ్యూజిక్ పరంగా ఎంతటి పాపులారిటీ అండ్ క్రేజ్ తెచ్చుకున్నాడో ప్రత్యక్షంగా చూస్తున్నాము. గత రెండేళ్ళుగా వరుసగా స్టార్ హీరోల సినిమాలకి మ్యూజికల్ హిట్ ఆల్బమ్స్ తో సూపర్ హిట్స్ ఇస్తున్నాడు. ఈ రెండేళ్ళలో దర్శకులకు అలాగే స్టార్ హీరోలకు ఫేవరేట్ సంగీత దర్శకుడుగా మారిపోయాడు. అందుకు కారణం సినిమా కథ, కథనం ఎలా ఉన్నప్పటికీ తన సంగీతంతో సినిమా సూపర్ హిట్ అవడానికి ముఖ్య కారణం అవుతున్నాడు తమన్ అని ప్రశంసలు రావడమే.
Thaman : భారీ ప్రాజెక్ట్స్ తమన్ అకౌంట్ లో ఉన్నాయి.
ఇప్పుడు తమన్ 10 సినిమాలకి పైగానే తెలుగులో సంగీతం అందిస్తున్నాడు. అందులో పాన్ ఇండియన్ సినిమాలు కూడా ఉన్నాయి. అలాగే కొన్ని తమిళ సినిమాలకి తమన్ మ్యూజిక్ అందిస్తున్నాడు. మహేష్ సర్కారు వారి పాట బాలయ్య అఖండ, నాగ చైతన్య థాంక్యూ, నేచురల్ స్టార్ నాని టక్ జగదీష్, అఖిల్ అక్కినేని ఏజెంట్ సహా మరికొన్ని సినిమాలకు సంగీతం అందిస్తున్నాడు. అలాగే మెగాస్టార్ లూసిఫర్ రీమేక్, డైరెక్టర్ బాబీ – మెగాస్టార్ ల కొత్త సినిమా మెగా పవర్ స్టార్ రాంచరణ్ – శంకర్ కాంబినేషన్ సినిమా ఐకాన్ స్టార్ అల్లు అర్జున్ – వేణుశ్రీరామ్ ల ఐకాన్ సినిమా ..ఇలా భారీ ప్రాజెక్ట్స్ తమన్ అకౌంట్ లో ఉన్నాయి.
