జబర్దస్త్ హైపర్ ఆది పేరు ఇప్పుడు పంచులకు కేరాఫ్ అడ్రస్ గా మారింది. అయితే ఆది సినీ ఇండస్ట్రీ లోకి రాకముందు సాఫ్ట్ వేర్ ఇంజనీర్గా పని చేసేవారు. ఒక పక్కన ఇంజనీర్ గా పని చేస్తూనే రైటింగ్ సైడ్ కూడా వెళ్లి అక్కడ కొన్ని సంస్థలకు పని చేసాడు. ఆ తర్వాత కొంతకాలానికి అదిరే అభి పరిచయం తో ఈటీవీ జబర్దస్త్ షో లోకి ఎంట్రీ ఇచ్చాడు ఆది. జబర్దస్త్ లో తనకి వచ్చిన అవకాశాన్ని ఉపయోగించుకుని ఇండస్ట్రీలో నిలదొక్కుకుని కొన్ని ఎపిసోడ్స్ తర్వాత ఆది కాస్తా హైపర్ ఆది గా పేరుపొందాడు.
ఇటీవల ఓ షోకు వచ్చిన ఆది, ఇప్పటి వరకు తన గురించి ఎవ్వరికీ తెలియని చాలా విషయాలు చెప్పుకొచ్చాడు. ఇండస్ట్రీ కి అలాగే జబర్దస్త్కు రాకముందు తమ కుటుంబ పరిస్థితి చాలా దారుణంగా ఉండేదని మిడిల్ క్లాస్ కుటుంబం నుంచే వచ్చానని అన్నారు ఆది. ఆదికి ఇద్దరు అన్నయ్యలు ఉన్నారట. అప్పట్లో ఈ ముగ్గురి చదువుల కోసం ఆది వాళ్ళ తండ్రి ఆస్తులు అన్నీ అమ్మేసారట. ఆ తరువాత చేతిలో కనీసం చిల్లిగవ్వ కూడా లేకుండా ఉన్నామని చెప్తూ భావోద్వేగానికి గురయ్యాడు. అయితే హైపర్ ఆది సొంతూరు ప్రకాశం జిల్లాలోని పల్లమల్లి అట.
ఎంతో కష్టపడి బిటెక్ చదివిన తాను కెరీర్ స్టార్టింగ్ లో ఇలా జబర్దస్త్లోకి వెళ్తా అంటే చాలామంది వద్దు అన్నారట. అంతేకాకుండా తనని తిట్టేవారని చెప్పుకొచ్చాడు ఆది. జబర్దస్త్ లోకి వచ్చాక పగలు రాత్రి తేడా లేకుండా స్క్రిప్ట్ రాసుకునేవాడట. ఎక్కడైతే తన ఆస్తులు పోయాయో ఈ ఇండస్ట్రీ దయ వల్ల తిరిగి అక్కడే ఆస్తులు సంపాదించుకున్నానని ఆది చెప్పాడు. అప్పటిలో నాన్న మా ఊళ్ళో అమ్మేసిన 3 ఎకరాల స్థలం స్థానంలో ఇప్పుడు ఏకంగా 10 ఎకరాలు కొన్నానని చెప్పాడు.