Over Weight: వయసుతో సంబంధం లేకుండా ఈ రోజుల్లో ఎక్కువ మందిని వేధిస్తున్న సమస్య అధిక బరువు.. చాలామంది బరువు ఎలా పెరిగామో మాకే తెలీదు అని అంటూ ఉంటారు.. మరి కొంతమంది బరువు పెరుగుతున్నట్టు గమనించలేక పోతున్నాము అందువల్లనే ఊబకాయం వచ్చింది అని చెబుతుంటారు.. బరువు పెరగటం వలన అనేక అనారోగ్య సమస్యలు చుట్టుముడతాయి.. మనం బరువు పెరుగుతున్నామని ముందుగానే మన శరీరం మనకు కొన్ని సంకేతాలు ఇస్తుంది..!! వాటిని ముందుగానే పసిగట్టి ఈ సమస్యకు ఆరంభంలోనే ముగింపు పలకవచ్చు.. ఆ సంకేతాలు ఏంటో ఇప్పుడు చూద్దాం..!!
Over Weight: కాలి సిరలు, పాదాల వాపు ఉన్నాయా..!? అయితే జాగ్రత్తపడాలి..
అధిక బరువు ఉండటం వలన కాళ్ళు సిరలపై ఒత్తిడి పడుతుంది. సిరలు గుండెకు రక్తాన్ని సరఫరా చేయడానికి పని చేస్తుంది. మీరు బరువు పెరుగుతుంటే సిరల ద్వారా రక్తం సరిగా వెళ్లదు. దీని కారణంగా కాళ్లు పాదాల్లో వాపు వస్తుంది. మనం అధిక బరువు ఉంటే కాళ్ల సిరల్లో గడ్డలు పెరుగుతాయి. మీ పాదాలలో వాపు, కాళ్ల సిరల లో గడ్డలు ఉంటే కచ్చితంగా అనుమానించాల్సిందే..
అధిక బరువు పెరుగుతున్న వారికి శ్వాస సరిగా ఆడదు. ఊపిరి తీసుకోవడం కష్టంగా ఉంటుంది. పొట్ట మీద పెరగడంతో ఊపిరి తీసుకోవడం ఇబ్బందిగా ఉంటుంది. కొంచెం దూరం నడిచిన ఆయాసం రావడం, కొద్దిగా మెట్లు కూడా ఎక్కలేక పోవడం కూడా దీనికి మరో కారణాలు. పని చేసిన చేయకపోయినా అలసట నీరసం గా ఉండడం. అధిక బరువు పెరుగుతున్న వారిలో మలబద్ధకం సమస్య వస్తుంది. విరోచనం సాఫీగా అవ్వదు. అదే స్త్రీలలో అయితే ఋతుక్రమం సక్రమంగా రాదు. మహిళలకు పీరియడ్స్ ఆలస్యంగా వస్తున్నాయంటే బరువు పెరుగుతున్నారని అర్థం.. అధిక బరువు పెరుగుతుంటె కొంతమందికి విపరీతంగా ఆకలి వేస్తుంది. అప్పుడు మనం అప్రమత్తతగా ఉండాలి.
మనం బరువు పెరుగుతున్నమని మరి కొన్ని విషయాలలో కూడా తెలుసుకోవచ్చు. మనం వేసుకునే దుస్తులు కాస్త బిగుతుగా అనిపిస్తాయి. ముఖ్యంగా మనం వేసుకునే లోదుస్తులు బాగా బిగుతుగా ఉంటే మాత్రం ఖచ్చితంగా బరువు పెరుగుతున్నమని అర్థం. పొట్ట పెరుగుతుంటే కూడా ఈ సమస్యే నని గమనించాలి. పైన చెప్పుకున్న ఉన్న లక్షణాలలో మీకు ఏమైనా కనిపిస్తే ముందుగా జాగ్రత్తపడి బరువు పెరగకుండా తగు జాగ్రత్తలు తీసుకోవాలి. లేదంటే డయాబెటిస్, గుండె జబ్బులూ, ఇతర అనారోగ్య సమస్యలు చుట్టుముట్టే ప్రమాదం లేకపోలేదు .
