Birthday: సాధారణంగా పుట్టిన రోజు వస్తుంది అంటేనే ముందు ముందుగా అన్నీ సిద్ధం చేసుకుంటూ ఉంటారు. ఎంతో సంతోషంగా స్నేహితులతో, కుటుంబ సభ్యులతో చాలా ఆనందంగా గడిపే రోజు పుట్టిన రోజు అంటే. సంవత్సరంలో వచ్చే ఒక్క రోజు గురించి సంవత్సరంలో చాలా సార్లు ఆలోచిస్తూ ఉంటాము. అయితే ఇంతకీ పుట్టిన రోజు రోజున ఏం ఏం పనులు చేయకూడదో తెలుసా?
పుట్టిన రోజు రోజున ప్రధానంగా శరీరానికి నూనెను మర్దించి స్నానం అస్సలు చేయకూడదు. అలాగే ఎవరైతే పుట్టిన రోజు జరుపుకుంటున్నారో ఆ వ్యక్తి ఆ రోజు అరటి మండలను నరకడం కానీ పొయ్యిని ఆర్పడం కానీ చేయకూడదు. పుట్టిన రోజు జరుపుకునే వ్యక్తి ఆ రోజు తన శరీరానికి ఎటువంటి దెబ్బ కానీ గాయం కానీ తగలకుండా చూసుకోవాలి. ఇంకొక విషయం ఏమిటంటే ఆ రోజు ఎట్టి పరిస్థితులలో ఇతరులు వదిలేసిన ఆహారాన్ని తినకూడదు.
అలాగే పుట్టిన రోజు రోజున పాత బట్టలు వేసుకోవడం లేదా స్మశాన వాటికకు అంత్యక్రియలకై వెళ్లడం వంటివి చెయ్యడం మంచిది కాదు. అంతేకాకుండా ఆ రోజు క్షౌరము చేయించుకోవడం మరియు గోళ్లు కత్తిరించుకోవడం చేయకూడదు. పుట్టిన రోజు జరుపుకునే వ్యక్తికి ఆహారాన్ని ఎడమవైపు నుండి వడ్డించకూడదు. అతను ఒంటరిగా కూడా ఆహారాన్ని ఆరగించకూడదు. మరియు ఆ రోజు తన వయస్సును కూడా పుట్టిన రోజు జరుపుకునే వ్యక్తి చెప్పకూడదు.
పుట్టిన రోజు జరుపుకునే వ్యక్తి భోజనము చేసి లేచిన తరువాతే ఇతరులు భోజనం దగ్గర నుంచి లేవాలి. ఆ రోజు ఎవ్వరూ ఆ వ్యక్తిని తిట్టడం లేదా కొట్టడం చెయ్యకూడదు. ఆ రోజు వీలైనంత ఆనందంగా సంతోషంగా గడపాలి.
ఈ న్యూస్ ని మీ వాట్సాప్ మరియు ఫేస్ బుక్ లో ఉన్న ఫ్రండ్స్ అందరితో షేర్ చెయ్యండి. కిందనే ఉన్న షేర్ బటన్ ఉపయోగించి వెంటనే వారికి షేర్ చెయ్యండి.
