ప్రపంచంలో ఏ రెండు దేశాల మధ్య తగాదా వచ్చినా.. ముందుగా తెరపైకి వచ్చేది ఆ సమస్య కంటే ఎక్కువగా మూడవ ప్రపంచ యుద్ధం అనే టాపిక్. కాకపోతే… ఇండియాకు – పాకిస్థాన్ కు మధ్య ఎన్ని తగాధాలు వచ్చినా మూడవ ప్రపంచ యుద్ధం అనే టాపిక్ పెద్దగా తెరపైకి వచ్చేది కాదు కానీ… .తాజాగా జరుగుతున్న పరిణామాల నేపథ్యంలో ఇండియా – చైనా ల మధ్య జరుగుతున్న వ్యవహారాలతో మూడవ ప్రపంచ యుద్ధం అనే టాపిక్ మళ్లీ తెరపైకి వచ్చింది.
దీనికి తోడు ప్రస్తుతం ప్రపంచ వ్యాప్తంగా చాల దేశాలు చైనా పై కసితో ఉన్నాయనే వార్తలు అంతర్జాతీయ మీడియాలో కోకొళ్లలు. హాంకాంగ్ విషయంలో జీ-7 దేశాలనే దిక్కరించింది అనేది ఒక కారణం అయితే, కరోనాను ప్రపంచానికి అంటించింది అనేది అగ్రాజ్యంతో కలిపి ప్రపంచదేశాల కోపం! దీనికి తోడు అమెరికా, రష్యా వంటి దేశాలతో భారత్ కు మంచి సంబందాలే ఉండటంతో… ఈ మూడవ ప్రపంచ యుద్ధం టాపిక్ తెరపైకి వస్తోంది.
అయితే ప్రస్తుతం బాల్ మోడీ కోర్టులో ఉంది. ఇప్పటికే ఈ విషయంలో ప్రధాని మోడీ, రక్షణ మంత్రి రాజ్ నాధ్ సింగ్, హోం మంత్రి అమిత్ షా.. అధికారులతో సుదీర్ఘమైన చర్చలు జరపడం.. చైనా దూకుడుకు ఎలా అడ్డుకట్ట వేయాలని ఆలోచనలు చేయడం జరిగిందట. ఇదే క్రమంలో మోడీ అఖిలపక్షం ఏర్పాటు చేయనుండటంతో… అక్కడ కూడా దాదాపు మోడీని అనుకూలంగానే అభిప్రాయాలు రావొచ్చు! ఈ క్రమంలో మోడీ & కో తీసుకునే నిర్ణయాలు చాలా కీలకం కాబోతున్నాయి. ఈ విషయంలో మోడీ & కో.. యుద్ధంవైపే మొగ్గు చూపితే మాత్రం… ఈ వ్యవహారం మూడోప్రపంచ యుద్ధానికి ఆరంభం అవుతుందని అంతున్నారు విశ్లేషకులు!
