Herbal Tea: అసలే చలికాలం.. అనేక ఆరోగ్య సమస్యలను మూటగట్టుకుని వస్తుంది.. పైగా వాతావరణంలో మార్పులు రావడంతో సీజనల్ వ్యాధులు ఎక్కువ.. శీతాకాలం అనగానే జలుబు, దగ్గు, గొంతు నొప్పి, గొంతులో గరగర, కఫం కామన్..!! ఇందుకోసం మార్కెట్లో లభించే రసాయనిక మందులను ఉపయోగిస్తున్నారా..!? వాటి బదులు మన ఇంట్లో ఉండే వస్తువులతో టీ తయారు చేసుకుని తాగండి..!! పైన చెప్పుకున్న సమస్యలన్నింటికీ చెక్ పెట్టవచ్చు..!!
ఈ టీ తయారు చేసుకోవడం కోసం చిన్న అల్లం ముక్క, అర టీ స్పూన్ మిరియాల పొడి, 15 తులసి ఆకులు, 15 పుదీనా ఆకులు అవసరం. ముందుగా ఒక పాత్రలో తీసుకొని అందులో రెండు గ్లాసుల నీటిని పోయాలి. ఈ నీటిలో సన్నగా తరిగిన అల్లం ముక్క, మిరియాల పొడి, పుదీనా, తులసి ఆకులు వేయాలి. రెండు గ్లాసుల నీరు ఒక గ్లాసు అయ్యేంతవరకు ఈ నీటిని బాగా మరిగించాలి. నీరు బాగా మరిగిన తర్వాత దింపేయాలి. ఈ నీటిని ఒక గ్లాసు లోకి వడపోసుకోవాలి. ఈ నీటిలో రెండు చెంచాల తేనె కలుపుకోవాలి. అంతే వేడి వేడి టీ తాగడానికి సిద్ధం..
ఇప్పుడు మన తయారు చేసుకున్న టీ తాగితే గొంతులో గరగర, గొంతు నొప్పి, గొంతులో ఉన్న ఇన్ఫెక్షన్ తగ్గుతుంది. జలుబు, దగ్గు, ఫ్లూ ని తగ్గిస్తుంది. వీటిలో ఉపయోగించిన అన్ని పదార్థాలు రోగ నిరోధక శక్తిని పెంపొందిస్తాయి. ఈ కాలం లో వచ్చే అనేక రకాల సీజనల్ వ్యాధుల ను తగ్గించడానికి ఈ టీ సహాయ పడుతుంది.