Pawan kalyan : పవర్ స్టార్ పవన్ కళ్యాణ్ వరసగా 6 సినిమాలని ప్రకటించిన సంగతి తెలిసిందే. ఇప్పటికే పూర్తైన వకీల్ సాబ్ సినిమా ప్రమోషన్స్ జోరుగా సాగుతున్నాయి. వేణు శ్రీరాం దర్శకత్వంలో తెరకెక్కిన వకీల్ సాబ్ ఏప్రిల్ 9న దేశ వ్యాప్తంగా ప్రేక్షకుల ముందుకు రాబోతోంది. దిల్ రాజు, బోనీకపూర్ కలిసి నిర్మించారు. శృతి హాసన్ గెస్ట్ రోల్ లో నివేదా థామస్, అంజలి, అనన్య నాగళ్ళ కీలక పాత్రల్లో కనిపించబోతున్నారు. థమన్ సంగీతం అందిస్తుండగా ఇప్పటికే సాంగ్స్ పరంగా మంచి క్రేజ్ వచ్చేసింది. మూడేళ్ళ తర్వాత వకీల్ సాబ్ తో రీ ఎంట్రీ ఇస్తున్న పవన్ కళ్యాణ్ సూపర్ హిట్ అందుకోవడం ఖాయం అంటున్నారు.
ఇక ఈ సినిమా తర్వాత క్రిష్ దర్శకత్వంలో హరిహర వీరమల్లు అన్న సినిమా చేస్తున్నాడు. మెగా సూర్య ప్రొడక్షన్స్ బ్యానర్ లో ప్రముఖ నిర్మాత ఏ.ఎం.రత్నం భారీ బడ్జెట్ తో నిర్మిస్తున్నాడు. ఇప్పటికే ఈ సినిమా నుంచి వచ్చిన ఫస్ట్ గ్లింప్స్ మెగా అభిమానులతో పాటు దేశ వ్యాప్తంగా ఉన్న సినీ అభిమానుల్లో కూడా భారీ అంచనాలు ఏర్పడేలా చేసింది. 2022 సంక్రాంతికి ఈ సినిమాని ప్రేక్షకుల ముందుకు తీసుకు రాబోతున్నారు. మొదటిసారి పీరియాడికల్ సినిమాలో పవన్ కళ్యాణ్ నటిస్తుండటం విశేషం.
Pawan kalyan : పవన్ కళ్యాణ్ సెట్ లో ఉంటే ఆయన చుట్టూ జనాలు, బాడీ గార్డ్స్ ఉంటారని అనుకుంటారు.
ఇక ఈ సినిమా తో పాటే మలయాళ సూపర్ హిట్ సినిమా అయ్యప్పనుం కోషియం సినిమా తెలుగు రీమేక్ లో నటిస్తున్నాడు. రెండు సినిమాలు ఒకేసారి షూటింగ్ జరుగుతుండగా సాగర్ కె చంద్ర ఈ సినిమాకి దర్శకత్వం వహిస్తున్నాడు. అయితే ఈ సినిమా నుంచి తాజాగా ఒక పిక్ బయటకి వచ్చి సోషల్ మీడియాలో వైరల్ అవుతోంది. పవన్ కళ్యాణ్ సెట్ లో ఉంటే ఆయన చుట్టూ విపరీతంగా జనాలు బాడీ గార్డ్స్ ఉంటారని అందరూ అనుకుంటారు. కానీ ఆయన ఎంత సింపుల్ గా ఉన్నాడో ఈ తాజా పిక్ చూస్తుంటే అర్థమవుతుంది. ఏమాత్రం హడావిడి లేకుండా చాలా కూల్ గా కనిపిస్తున్నాడు.
