ప్రస్తుతం నేచురల్ స్టార్ నాని నిన్నుకోరి, మిజిలీ చిత్రాల దర్శకుడు శివ నిర్వాణ దర్శకత్వంలో టక్ జగదీష్ అన్న సినిమా చేస్తున్నాడు. ఈ సినిమాలో రితూ వర్మ, ఐశ్వర్య రాజేష్ నానికి జంటగా నటిస్తున్నారు. షైన్ స్క్రీన్ బ్యానర్ పై సాహు గారపాటి, హరీష్ పెద్ది సంయుక్తంగా నిర్మిస్తున్నారు. ఇప్పటికే ఈ సినిమా చాలా వరకు షూటింగ్ జరుపుకోగా మిగతా పార్ట్ కంప్లీట్ చేసేందుకు రీసెంట్ గా ఈ సినిమా షూటింగ్ ని ప్రారంభించారు.
కాగా నాని హీరోగా టక్సీవాలా ఫేం రాహుల్ సంకృత్యన్ దర్శకత్వంలో ఒక సినిమా చేయబోతున్నాడు. శ్యామ్ సింగరాయ్ టైటిల్ తో రూపొందబోతున్న ఈ సినిమా డిసెంబర్ నుంచి ప్రారంభం కానుంది. ఈ విషయాని రీసెంట్ గా మేకర్స్ వెల్లడించారు. కాగా ఈ సినిమాలో నాని డ్యూయల్ రోల్ లో నటిస్తున్నాడన్న వార్తలు వస్తుండగా కథ మొత్తం కలకత్తా బ్యాక్ డ్రాప్ లో సాగుతుందట. అయితే కరోనా పరిస్థితుల కారణంగా ఇప్పుడు కలకత్తా వేళ్ళి షూటింగ్ జరపడం సాధ్యం కాదన్న ఉద్దేశ్యంతో సినిమా మొత్తాన్ని ఇక్కడే కలకత్తా బ్యాక్ డ్రాప్ సెట్ వేసి కంప్లీట్ చేయనున్నారట.
ఇందుకోసం ఇప్పటికే హైదరాబాద్ శివారులోని అల్యూమినియం ఫ్యాక్టరీలో కలకత్తా సెట్టింగ్ తయారు చేశారు. టాకీపార్ట్ తోపాటు సాంగ్స్ కూడా ఇక్కడే కంప్లీట్ చేయనున్నారట. ఇక నాని నటించిన ‘వి’ సినిమాతో ప్రేక్షకుల ముందుకు వచ్చాడు. ఈ సినిమా అందరి అంచనాలను తారుమారు చేస్తూ నిరాశపరచింది. అందుకే 2021 లో నాని వరసగా సినిమాలు రిలీజ్ చేసి బ్యాక్ టు బ్యాక్ సూపర్ హిట్స్ అందుకోవాలని డిసడయ్యాడట. 2021 సమ్మర్ కి టక్ జగదీష్ ఆ తర్వాత దసరా సీజన్ లో శ్యామ్ సింగరాయ్ రిలీజ్ చేయాలని నాని ప్లాన్ చేస్తున్నాడట.