Perfume: పెర్ఫ్యూమ్లను వాడేవారు మనలో చాలా మందే ఉన్నారు .. బయటకు వెళ్లేటప్పుడు లేదా ఫంక్షన్లకువెళ్లవలిసి వచ్చినప్పుడు చాలా మంది పెర్ఫ్యూమ్లను వాడుతుంటారు.కొంతమంది మాత్రం వీటితో సంబందం లేకుండా ఎప్పుడు స్ప్రే చేసుకుంటూనే ఉంటారు. దీంతో చెమట వలన వచ్చే చెడు వాసన రాకుండా తాజాగా ఉన్న ఫీలింగ్ కలుగుతుంది.
మన తో ఉన్నవారికి కూడా ఇబ్బంది ఉండదు. అయితే చాలా మంది పెర్ఫ్యూమ్లను ఎలాపడితే అలా స్ప్రే చేసుకుంటూ ఉంటారు. ఇలా చేయడం వలన ఆ పర్ఫ్యూమ్ వాసన త్వరగా పోయి మళ్లీ చెమట వాసన వస్తుంటుంది. శరీరంపై పెర్ఫ్యూం సు వాసన ఎక్కువ సేపు నిలిచి ఉండాలన్నా, బాటిల్లో ఉన్న పెర్ఫ్యూం వాసన ఎక్కువ కాలం పాటు అలాగే ఉండాలన్నా కూడా కొన్ని టిప్స్ ఫాలో అవక తప్పదు. వాటిగురించి తెలుసుకుందాం సాధారణంగా పెర్ఫ్యూమ్లు ఉష్ణోగ్రతల ను బట్టి ప్రభావితం అవుతుంటాయి. ఈ కారణంగా వాటికి సూర్యరశ్మి తగలకుండా పెట్టుకోవాలి.పెర్ఫ్యూమ్లను వేడిగా ఉండే ప్రదేశం లో కాకుండా చల్లగా ఉండే ప్రదేశంలో పెట్టుకోవాలి. అలాగే వాటిపై ఇతర కాంతి పడకుండా కొంచెం చీకటిగా ఉండే ప్రదేశంలో పెట్టుకోవాలి. దీంతో బాటిల్స్లో ఉండే పెర్ఫ్యూం వాసన ఎక్కువ రోజుల పాటు తగ్గకుండా అలాగే ఉంటుంది.
శరీరంపై స్ప్రే చేసుకునే పెర్ఫ్యూం ఎక్కువ సమయం పాటు ఉండి బాగా వాసన రావాలంటే.. ముందుగా మన శరీరాన్ని పూర్తిగా తేమ లేకుండా పొడిగా గా ఉంచుకోవాలి. ఆ తర్వాత శరీరంలో చెమట ఎక్కువగా వచ్చే ప్రదేశాలు అంటే చంకలు, మోచేయి లోపలి వైపు,మణికట్టు మెడ,ప్రాంతంలో ఎక్కువమంది కి చెమట పడుతూ ఉంటుంది. అలాంటి ప్రదేశాలలో పెర్ఫ్యూం స్ప్రే చేసుకోవడం మంచిది. శరీరానికి కొంత దూరంలో పెర్ఫ్యూంను ఉంచి స్ప్రే చేసుకోవాలి. ఇలా చేయడం వలన వాసన చాలా సేపు నిలిచి ఉంటుంది. ఈ టిప్స్ ఫాలో అయి చూడండి..