వైఎస్ జగన్ మోహన్ రెడ్డి…తన తండ్రి ఆకస్మిక మరణంతో తల్లడిల్లిన వారికోసం ముందుకు సాగాలని నిర్ణయం తీసుకున్న నాటి నుంచి ముఖ్యమంత్రి పీఠం అధిరోహించి పలు నిర్ణయాలతో ముందుకు సాగుతున్న వరకూ ఆయనదో విభిన్నమైన శైలి.
అలాంటి సంచలన నిర్ణయాల్లో ఒకటి బీసీలకు 56 కార్పొరేషన్లు. దీనికి సంబంధించి కీలక నిర్ణయం ఆదివారం జరగనుంది.
ఏలూరు సభలో ఏమన్నారంటే….
ఎన్నికల సమయంలో ఏలూరు బీసీ గర్జనలో మాట్లాడుతూ వైసీపీ అధినేత వైఎస్ జగన్ కీలక వ్యాఖ్యలు చేశారు. ‘బీసీ అంటే బ్యాక్వార్డ్ క్లాస్ కాదు. దేశ చరిత్ర, సంస్కతిని కొన్ని వేల సంవత్సరాలు వారు నిలబెట్టారు. బీసీలు జాతికి వెన్నెముక కులాలు. కట్టుకునే బట్ట.. తినే తిండి.. అన్నం తినే కంచం.. మంచినీరు తాగే గ్లాస్.. నివసించే ఇల్లు.. ఇలా మన జీవితంలో ప్రతి చోటా బీసీలదే పాత్ర. భారతీయ నాగరికతలో కనిపించే శిల్పం.. అగ్గిపెట్టెలో పట్టే చీర.. మంగళ సన్నాయి.. ఏది చూసినా మన బీసీల గొప్పతనమే. అందుకే వారందరికి వందనం’ అంటూ హామీ ఇచ్చారు.
మాట తప్పని మడమ తిప్పని నైజం…
బీసీల సంక్షేమం విషయంలో ప్రత్యేక కార్పొరేషన్లు ఏర్పాటు చేస్తూ సీఎం వైఎస్ జగన్ కీలక నిర్ణయం తీసుకున్నారు. `బీసీలు అంటే వెనుకబడిన వర్గాల వారు కాదు. వెన్నెముక లాంటి వర్గాలు’ అన్న అంశాన్ని మరోసారి స్పష్టం చేస్తున్న సీఎం వైయస్ జగన్ మొత్తం 139 బీసీ కులాల వారి కోసం ఒకేసారి 56 ప్రత్యేక కార్పొరేషన్లు ఏర్పాటు చేస్తున్నారు. అన్ని జిల్లాలకు ప్రాతినిథ్యం కల్పించే విధంగా ప్రతి కార్పొరేషన్లో 13 మంది డైరెక్టర్లను నియమిస్తున్నారు. 56 కార్పొరేషన్లకు ఈనెల 18వ తేదీ (ఆదివారం)న ఛైర్మన్లు, డైరెక్టర్లను నియమిస్తున్నారు. నామినేటెడ్ పదవుల్లో మహిళలకు 50 శాతం ఇస్తామన్న మాట నిలబెట్టుకుంటూ ఆ పోస్టుల్లో సగానికి పైగా వారికి కేటాయించారు.
ఇంకేం చేశారంటే…
వైఎస్ జగన్ ప్రభుత్వం బీసీల సంక్షేమం కోసం పలు నిర్ణయాలు తీసుకుంది. మంత్రివర్గంలో బీసీలకు పెద్ద పీట వేశారు. ఉప ముఖ్యమంత్రి పదవితో సహా, ఏడు మంత్రి పదవులు ఇచ్చారు. శాసనసభ స్పీకర్ పదవి ఇచ్చారు. బీసీల స్థితిగతుల అధ్యయనం చేసి వారి సమస్యల పరిష్కారం కోసం శాశ్వత ప్రాతిపదికన బీసీ కమిషన్ ఏర్పాటు చేశారు. వివిధ పథకాల ద్వారా గత 16 నెలల్లో మొత్తం 2,71,37,253 మంది బీసీలకు దాదాపు రూ.33,500 కోట్ల మేర ప్రయోజనం దక్కింది.
పథకాల వారీగా బీసీ లబ్ధిదారులు, వ్యయం వివరాలు
పథకం – లబ్ధిదారులు – వ్యయం (రూ.కోట్లలో)
జగనన్న అమ్మ ఒడి – 19,65,589 – 2,948.38
వైఎస్సార్ చేయూత – 13,48,121 – 2,527.73
వైఎస్సార్ సున్నా వడ్డీ (మహిళలు) – 48,38,886 – 720.16
వైఎస్సార్ పెన్షన్ కానుక – 29,94,725 – 10,799.66
వైఎస్సార్ రైతు భరోసా – 23,29,754 – 4,780.53
వైఎస్సార్ మత్స్యకార భరోసా – 1,07,921 – 210.39
జగనన్న వసతి దీవెన – 7,43,030 – 552.68
జగనన్న విద్యా దీవెన – 9,30,004 – 1,683.92
విదేశీ విద్యా దీవెన – 425 – 22.36
వైఎస్సార్ వాహనమిత్ర – 1,17,096 – 224.44
వైఎస్సార్ లా నేస్తం – 708 – 3.19
వైఎస్సార్ నేతన్న నేస్తం – 71,980 – 323.31
ఎమ్ఎస్ఎమ్ఈ రీస్టార్ట్ – 266 – 10.63
జగనన్న చేదోడు – 1,88,084 – 188.08
వైఎస్సార్ ఆసరా – 42,59,599 – 3,260.20
వైఎస్సార్ ఆరోగ్యశ్రీ – 4,02,656 – 963.30
వైఎస్సార్ ఆరోగ్య ఆసరా – 69,761 – 56.28
జగనన్న గోరుముద్ద – 17,53,646 – 224.46
వైఎస్సార్ సంపూర్ణ పోషణ – 14,77,840 – 912.93
వైఎస్సార్–జగనన్న ఇళ్ళ పట్టాలు – 13,42,105 – 2,675.59
జగనన్న విద్యా కానుక – 21,95,057 – 335.84
మొత్తం – 2,71,37,253 – 33,424.06