Prashanth varma: బేసిగ్గా ఎవరన్నా సినిమా ఇండస్ట్రీకి ఎంట్రీ ఇచ్చే క్రమంలో కమర్షియల్ కథలనే ఎంచుకుంటారు. కానీ అతగాడు మాత్రం ప్రయోగాత్మక సినిమాతో టాలీవుడ్ ఎంట్రీ ఇచ్చాడు. అతడే దర్శకుడు ప్రశాంత్ వర్మ. అ! అనే సినిమాతో టాలీవుడ్ ఎంట్రీ ఇచ్చి మంచి పేరే సంపాదించాడు. దాన్ని మొదలుకుని ప్రతి ఒక్కటి కూడా ప్రయోగాత్మక సినిమా అవ్వడంతో ఈయన్ను కొంతమంది మూవీ సైంటిస్ట్ అని కూడా పిలుస్తూ వుంటారు. తొలి సినిమా విభిన్నమైన సినిమా అయినా కూడా కమర్షియల్ గా పర్వాలేదు అనిపించుకుని ఇండస్ట్రీలో మంచి పేరును దక్కించుకున్నాడు.
- Read the latest news from NEWSORBIT
- Follow us on facebook , Twitter , instagram and Googlenews
Prashanth varma: చేయబోతున్న ప్రయోగం ఇదే:
నెక్స్ట్ తాను చేయబోయేది ఒక ప్రయోగాత్మక సినిమా అని అంటున్నారు. ఆ కథ కోసం ఆయనకు ఏకంగా 10 మంది హీరోయిన్స్ కావాలంట. చిన్నా పెద్ద హీరోయిన్స్ కలయికలో ఆ సినిమాను తీస్తానంటూ సన్నిహితుల వద్ద దర్శకుడు ప్రశాంత్ వర్మ చెబుతున్నట్టు విశ్వసనీయ వర్గాల సమాచారం. ఇపుడు తాజాగా తాను చేస్తోన్న ‘హనుమాన్’ సినిమా విడుదల అయిన వెంటనే ఆ 10 మంది హీరోయిన్స్ వేటలో ఈ సైంటిస్ట్ ఉంటాడట. ఇక దానికి ప్రొడ్యూసర్ కూడా కుదిరిపోయాడని వినికిడి. ఓ ప్రముఖ బేనర్ లో ఈ సినిమా ఉండబోతుందని టాలీవుడ్ సమాచారం.
- Read the latest news from NEWSORBIT
- Follow us on facebook , Twitter , instagram and Googlenews
హనుమాన్ సినిమా విశేషాలు:
కల్కి మూవీ తరువాత ఇండియన్ సినిమా ప్రేక్షకులకు ఎప్పుడు పరిచయం లేని జాంబీలను పరిచయం చేశాడు ప్రశాంత్. ‘జాంబీ రెడ్డి’ అనే ప్రయోగాత్మక సినిమా తీసి మంచి విజయాన్ని సొంతం చేసుకున్నాడు. ఇక ఇప్పుడు ఇండియాస్ ఫస్ట్ సూపర్ మ్యాన్ మూవీని రెడీ చేస్తున్నాడు. జాంబీరెడ్డి చిత్ర హీరో తేజ సజ్జా హీరోగా సూపర్ మ్యాన్ మూవీ ‘హనుమాన్’ను తీస్తున్నాడు. ఈ సినిమా ఖచ్చితంగా తెలుగు సినిమా స్థాయిని మరో మెట్టు పెంచే సినిమా గా ఉంటుందనే నమ్మకంను ఇండస్ట్రీ వర్గాలవారు నమ్ముతున్నారు. కాగా హనుమాన్ సినిమా షూటింగ్ ముగింపు దశకు వచ్చినట్లుగా తెలుస్తోంది.