Fruit Juices: ఇటీవల కాలంలో చాలా మంది అధిక బరువు, ఊబకాయంతో అవస్థలు పడుతున్నారు. శరీరక శ్రమ లేకపోడం, అహారపు అలవాట్లలో వచ్చిన మార్పు తదితర కారణాల వల్ల వయసుకు మించిన బరువుతో ఇబ్బందులు పడుతున్నారు. ఇలాంటి వారు ఆరోగ్య నిపుణులో, స్నేహితులో, సోషల్ మీడియాలో వచ్చే వెయిట్ లాస్ టిప్ప్ వంటి వాటిని చూస్తూ బరువు తగ్గించుకునే ప్రయత్నం చేస్తున్నారు. అయితే బరువు తగ్గేందుకు కఠిన ఆహార నియమాలు పాటిస్తూ కొందరు కొత్త సమస్యలను కొని తెచ్చుకుంటున్నారు. మరి కొందరు తేలికపాటి ఆహారాన్ని మాత్రమే తీసుకుంటూ క్రమేపి బరువు తగ్గించుకుంటున్నారు.
అయితే అధిక బరువు తగ్గడానికి జ్యూస్ లు బాగా ఉపయోగపడతాయని న్యూట్రిషియన్ నిపుణులు సూచిస్తున్నారు. పండ్ల రసాలను తాగటం వల్ల శరీర బరువు త్వరగా తగ్గుతుందని పేర్కొంటున్నారు. బరువు తగ్గాలనుకునే వారికి టమోటా జ్యూస్ బాగా ఉపకరిస్తుంది. తాజా టమోటోలను తీసుకుని వాటిని బాగా కడిగి గిన్నెలో ఉడికించాలి. ఉడికించిన టమోటోలను మిక్సీలో గ్రైండ్ చేసి అందులో తగినంత బెల్లం కలుపుకుని తాగటం వల్ల మంచి ఫలితాలు వస్తాయట. అదే విధంగా ద్రాక్షరనం కూడా బరువు తగ్గేందుకు ఉపకరిస్తుంది. ఇందులో ప్రొటీన్లతో పాటు, మంచి కొలెస్ట్రాల్ ఉంటాయి. ప్రతి మూడు రోజుల కొకసారి ఒక గ్లాసు ద్రాక్షా జ్యూస్ తాగితే శరీర బరువు తగ్గే అవకాశం ఉంది. గోరువెచ్చని నీటిని ఓ గ్లాసులో తీసుకుని అందులో ఆరెంజ్ జ్యూస్ తో పాటు, ఓ స్పూన్ నెయ్యి కలుపుకుని తాగితే తొందరగా బరువు తగ్గించుకోవచ్చని నిపుణులు సూచిస్తున్నారు. పైనాపిల్ జ్యూస్ కూడా శరీర బరువు తగ్గటానికి బాగా ఉపయోగపడుతుంది. గోరువెచ్చని నీటిలో ఓ స్పూన్ నిమ్మరసం, ఓ స్పూన్ తేనె కలిపి తాగటం వల్ల మంచి ఫలితాలు వస్తాయి.
