జులై 22న రిలీజ్ కానున్న థాంక్యూ సినిమాలో నాగచైతన్య సరసన ముగ్గురు హీరోయిన్లు నటించారు. వారే అవికాగోర్, రాశీ ఖన్నా, మాళవిక నాయర్. ఈ ముద్దు గుమ్మలు ఒకేసారి ఒకే సినిమాలో హీరోయిన్లుగా నటించడం ఇప్పుడు అభిమానుల్లో ఆసక్తిని రేపుతోంది. వీరంతా ఎలా కనిపించబోతున్నారు తెలుసుకునేందుకు అభిమానులు చాలా ఈగర్ గా వెయిట్ చేస్తున్నారు. నిజానికి వీరంతా కూడా గత కొంతకాలంగా ఫ్లాప్స్ నే మూట పెట్టుకున్నారు. దీంతో ఈ ముగ్గురు హీరోయిన్స్కి థాంక్యూ సినిమా హిట్ అవ్వడం అత్యవసరంగా మారింది.
హిట్ కంపల్సరీ
అవికగోర్ స్లిమ్ గా తయారయ్యాక గ్లామర్ షో చేస్తుంది. అయినా కూడా ఈ అమ్మడుకు అవకాశాలు రావడం అంతంత మాత్రంగానే ఉంది. థాంక్యూ సినిమాలో అవికాగోర్, నాగచైతన్యకు రాఖీ కట్టి అన్నయ్యని చేసింది. దానివల్ల ఈ సినిమాలో అవికా క్యారెక్టర్ కొంచెం సస్పెన్స్ గానే ఉంది. ఆమె నిజంగానే చెల్లెలా లేక నాగచైతన్యకు రాఖీ కట్టి అతడిని తన వెంట ఫాలో కావద్దని చెబుతుందా అనేది తెలియాల్సి ఉంది. బుజ్జిగాడు ప్రేమ సినిమాలో చాలా మంది ప్రేక్షకుల మనసుల్ని దోచేసిన మాళవిక నాయర్కు కూడా ఈ సినిమా హిట్ కొట్టడం చాలా ముఖ్యం. ఎందుకని అడిగితే, ఆమె కూడా సక్సెస్ కోసం ఎదురు చూస్తున్న హీరోయినే. థాంక్యూ సినిమాలో నాగచైతన్య పదహారేళ్ల వయసు ఉన్నప్పుడు మాళవికను లవ్ చేసినట్టుగా ట్రైలర్లో చూపిస్తున్నారు. అయితే ఆమె క్యారెక్టర్ మాత్రం ఎంతసేపు ఉంటుందో అనేది సినిమా చూస్తేనే అర్థమవుతుంది.
రాశీ ఖన్నాకి కూడా ముఖ్యమే
ఇక ఈ సినిమాలో మెయిన్ క్యారెక్టర్ రాశి ఖన్నా. ఆమె పక్కా కమర్షియల్ లాంటి ఒక డిజాస్టర్ మూవీలో నటించింది. ఆ మూవీ తరువాత ఆమె ‘థాంక్యూ’ సినిమా పైన హోప్స్ పెట్టుకుంది. ఈ సినిమా హిట్ అవ్వకపోతే మాత్రం ఆమె టాలీవుడ్లో ఎక్కువగా అవకాశాలు పొందడం కష్టమవుతుంది. అందువల్ల ఆమెకి కూడా ఈ సినిమా హిట్ అవ్వడం చాలా అవసరం. ఆ విధంగా థాంక్యూ సినిమాపై ముగ్గురు హీరోయిన్స్ కెరీర్ ఆధారపడి ఉంది. ఈ సినిమాపై ప్రేక్షకులకు కూడా చాలా అంచనాలు ఉన్నాయి. విక్రమ్ కే కుమార్ దర్శకత్వంలో నాగచైతన్య ‘మనం’ సినిమాలో నటించాడు. మనం సినిమా బ్లాకబస్టర్ హిట్ అవడంతో ప్రేక్షకులు ఇప్పుడు ‘థాంక్యూ’ సినిమా పై ఇంకా ఎక్కువ ఆశలు పెట్టుకున్నారు.