Women: ఈ రోజుల్లో స్త్రీలు కూడా బయటకు వెళ్లి జాబ్ చేయవలిసిన పరిస్థితులు ఎక్కువగా ఉన్నాయి.జీవితం మీకు ఉత్సహం గా సంతోషం గా ఉండాలంటే కొన్ని ప్రణాళికలు వేసుకోవడం తప్పని సరి.
ఆఫీసుకు వెళితే గంటలు తరబడి కంప్యూటర్ ముందు లేదా ఇంటికి వచ్చాక ఇంట్లో వంట పని చేస్తూ.. ఇంటి గదులకే పరిమితం అయిపోకుండా జాగ్రత్త పడండి. ముందుగా మీ ప్రణాళికను రాత్రినుండి మొదలు పెట్టండి.. మీరు రేపు ఆఫీస్ కి వేసుకోవాలిసిన బట్టలు తీసి పక్కన సిద్ధం గా ఉంచుకోండి.. కాటన్ చీరలు లాంటివి అయితే ముందుగానే పల్లు పెట్టేసుకుని సిద్ధంగా ఉంచుకోండి.. దానికి సంబంధించిన అన్ని మ్యాచింగ్స్ తీసి దానితో పాటు పెట్టుకోండి. అలాగే మీ పిల్లలవి కూడా తీసి ఒక పక్కన పెట్టుకోండి. రాత్రి భోజనాలు చేసిన తర్వాత వంట గదిని శుభ్రం చేసేసుకోండి.
గిన్నెలు తోముకుని రేపటికి కావలిసిన మీ అందరి క్యారేజ్ గిన్నెలు ఒక పక్కన పెట్టుకోండి. రేపు వంటకి కావలిసిన పప్పులు, బియ్యం గిన్నెలో సిద్ధం చేసి పెట్టుకోండి. కొబ్బరి లాంటివి అయితే ముందుగానే కోసి ఫ్రీడ్జ్ లో పెట్టేసుకొండి. రాత్రి పడుకునేటప్పుడు ఎక్కువ సేపు ఫోన్ లేదా టీవీ చూస్తూ ఉండకుండా ఒక టైం పెట్టుకుని ఆ టైం కి ఆఫ్ చేసేలా ప్రిపేర్ అవ్వండి.
కచ్చితంగా 8 గంటలు నిద్ర ఉండేలా చూసుకోండి. ఏ టైం కి లేవాలనుకుంటారో ఆ టైం కి బద్దకించకుండా కచ్చితంగా నిద్ర లేవాలి. నిద్ర లేచి లేవగానే చాలామంది స్త్రీలు వంటింట్లోకి పరుగులు తీస్తుంటారు. అలా అసలు చేయకండి. లేచి అలా కొద్దీ సేపు ప్రకృతిని చూస్తూ, సూర్య కిరణాల వేడి ఒంటిపై పడేలా చూసుకోండి.అలా ప్రకృతిలో గడపడం వల్ల ఒత్తిడి తగ్గుతుంది.
ఉదయం లేచాక కాసేపు అటు ఇటు నడవండి. కాయగూరలు కొనడం, ఇరుగుపొరుగు వారితో మాటకాలపడం వంటివి చేయండి. ఇలా చేయడం కోసం అరగంట సమయాన్ని కేటాయించండి. ఆ తర్వాత వంటగదిలోకి వెళ్లండి. ఇలా చేస్తే సానుకూల ప్రభావం తో రోజంతా హ్యాపీగా ఉంటారు.
