Anger: ఈ రోజుల్లో ఉన్న జీవన విధానం బట్టి ప్రతి ఒక్కరికి విపరీతమైన కోపం వస్తుంది. ఇంకొందరు ఎప్పటి ఆనందం అప్పుడు పొందకుండా ఇంకా భవిషత్తులో ఎదో జరిగాక సంతోషపడదాం అని ఆనందాన్ని వాయిదా వేస్తుంటారు. అలాంటి వారు అస్తమానం చిన్న చిన్న విషయాలకు కూడా చిరాకు పడుతూ వారిమీద వారు నియంత్రణ నను కోల్పోయి హఠాత్తుగా వ్యక్తులపై కోపంతో మండి పడిపోతుంటారు. అదుపులో ఉంచుకో లేని కోపం ఎక్కువగా గృహ హింసకు కారణమవుతుంది.
కోపం వచ్చినప్పుడు, దాన్ని అదుపులో ఉంచడం దాదాపు అసాధ్యంగా ఉంటుంది. ఈ సమయాల్లో మనపై మనం పట్టును కోల్పోయి తప్పుడు నిర్ణయాలు లేదా తప్పుడు పదాలనువాడేస్తుంటాము. ఇటువంటి కోపం గుర్తించి, ప్రశాంతంగా ఉండేందుకు ప్రయత్నించడం చాల అవసరం. మీరు మీ కోపాన్ని అదుపులో ఉంచుకోవడానికి కొన్ని చిట్కాలు తెలుసుకుందాం.
మనం తీసుకునే ఆహారమే మన మనస్సు అవుతుంది అని గుర్తుపెట్టుకోవాలి. మీరు తీసుకునే ఆహారం సులభంగా మీ మనస్సును కలిచివేస్తుంది అనడం లో ఎలాంటి ఆశ్చర్యము లేదు . ఆహారం మరియు భావోద్వేగాలు రెండూ ఒకదానితో ఒకటి ముడి పడి ఉంటాయి. తీసుకునే ఆహారం లో బాగా కారంగా మరియు ఎక్కువ నూనెతో వండిన ఆహారాన్నిమానేయాలిసి ఉంటుంది. ఇలాంటి ఆహారం నేరుగా మెదడు మీద ప్రభావం చూపుతుంది. ఉత్సాహంగా ఉండేలా చూసుకుంటూ తగిన వ్యాయామం చేయాలి.
కోపం వచ్చినప్పుడు మీరు అదుపు తప్పుతున్నట్టు అనిపిస్తే కొంత దూరం పరిగెత్తడం లేదా వేగంగా నడవడం వంటివి చేయండి. మీ శ్వాస కు అనుగుణంగా ఉండే కొన్ని యోగాసనాలు ప్రాక్టీస్ చేయడం వలన శరీర భాగాల యొక్క కఠినత్వాన్ని తగ్గించి మీ శక్తి పెరిగేలా చేసి మంచి ఆలోచనలకు కారణమయ్యే ఎండార్ఫిన్ హార్మోన్లను విడుదల చేస్తుంది.