Flowers: సహజం గా మనందరిలో మొక్కలు పెంచుకోవడం పట్ల కొంత ఆశక్తి ఉంటుంది. మరి కొందరి లో అది చాల ఎక్కువగా ఉండడం వలన ఈ రోజు ల్లో మిద్దెతోటలు చూడగలుగుతున్నాం. పూల చెట్ల ను పెంచడం వలన అందం తో పాటు సువాసన కూడా పొందవచ్చు. వాటి తో పాటు కొన్ని కూరగాయ మొక్కలు ఆకు కూరలు పెంచుకోగలిగితే ఇంటి అవసరాలు కూడా తీరుతాయి.
ఫ్లాట్స్లో నివశించేవారు తమకు ఉన్న స్థలం లో పూలకుండీల ను ఉపయోగించి మొక్కల మీద తమకున్న ప్రేమ చాటుకుంటున్నారు.రకరకాల రంగులు పూసే పువ్వులు కొన్ని కనువిందు చేస్తే మరి కొన్ని జడలో తురుముకుని మురిసి పోతుంటారు. ఇక ఎక్కువ ఉంటే తమ ఇంట్లో అలంకరించుకుని , ఇంటికి కొత్త అందాన్ని తెస్తున్నారు. చూడటానికి అందం గా పూవులు పూసే మొక్కలను ఎంచుకుని పెంచటం ఒక కళ అయితే… పూసిన వాటిని ఫ్లవర్ వేజ్లో అలంకరించుకోవడం మరో ఓ కళ అని చెప్పవలిసిందే . పూలతో మీ మొక్కలు నిండి పోవాలన్నా వాటితో ఇంటిని అలంకరించాలనుకోవాలనుకున్నా అలాంటి మొక్కల గురించి తెలుకోవాలిసిందే.. పువ్వులు పూసే మొక్కలను గమనించినప్పుడు, కొన్ని మొక్కలు ఓ ప్రత్యేకమైన సీజన్లో మాత్రమేపూస్తే ,మరికొన్ని సంవత్సరానికి రెండుసార్లు, ఇంకొన్ని ప్రతి రోజు పూస్తూనే ఉంటాయి. అదేవిధంగా పరిసర వాతావరణం, నేల స్వభావాన్ని బట్టి పూవుల మొక్కల పెరుగుదల ఆధారపడి ఉంటుంది.
పూల కోసం మొక్కలనుపెంచాలనుకున్నపుడు అవి ఏ సీజన్లో పూస్తాయి అనే దాని మీద దృష్టి పెట్టాల . ఇలా సీజన్లను దృష్టిలో పెట్టుకుని మొక్కలు పెంచుకుంటే, సంవత్సరం అంతా ఇంటిలో పువ్వులు దొరుకుతూనే ఉంటాయి. ఉదాహరణకు మల్లి , సన్నజాజి,విరజాజి, చామంతి, గులాబీ , సంపెంగ వేసవిలో, వానాకాలంలో టైగర్ లిల్లీ, వెరోనికాపువ్వులు, చలికాలంలో కాడ మల్లెలు, బంతి, డిసెంబరు పూలు, నందివర్థనం, రోజ్ మేరీ గన్నేరు వంటి పుష్పాలను పెంచటం వల్ల ఇంటిలో పూవులకు ఎప్పుడు లోటు ఉండదు.