Children : పిల్లల మానసిక అభివృద్ధి పెరిగితే తెలివితేటలూ పెరుగుతాయి దాని కోసం తల్లిదండ్రులు ఏమి చేయాలో తెలుసుకుందాం… పిల్లలు ప్రతి చిన్నదానికి ఎన్నో సందేహాలు వస్తుంటాయి. వారికి చుట్టుపక్కల జరిగే విషయాల పై చాలా ఆసక్తి ఉంటుంది, దీని కారణంగా ఎక్కువ ప్రశ్నలు అడుగుతుంటారు. అలాంటప్పుడు తల్లిదండ్రులు వారి సందేహాలను ఓపిగ్గా తీర్చాలి.
దీని వలన వారి తెలివితేటలు పెరుగుతాయి. కొత్తవిషయాలు తెలుసుకోగలుగుతారు. మనకంటే అన్ని తెలుసు కానీ పిల్లకు అవేమి తెలియవు కాబట్టి ఓపికగా చెప్పాలి. అలా కాకుండా పిల్లలు ప్రశ్నలడుగుతున్నపుడు కాసురుకున్న ,విసుక్కున్నా వరుకొత్తవిషయాలు నేర్చుకునే ఆశక్తి తగ్గిపోతుంది.
స్కూల్ కి వెళ్ళే పిల్లలకు వార పత్రికలలో వచ్చే ఒక బొమ్మ ఇచ్చి దారి చూపమని ప్రచురిస్తూ ఉంటారు అలాంటివి పజిల్స్, సుడోకు వంటివి కత్తిరించి వారితో వాటిని పూర్తి చేయిన్చాలి.ఖాళీ సమయాల్లో లేదా వంట చేసుకుంటూ , గిన్నెలు తోముకుంటూ పిల్లలతో పిల్లల తో ఏదోఒక విషయం గురించి మాట్లాడుతూ ఉండండి. మెదడుకు పదును పెట్టే పొడుపు కథలు, ప్రశ్నలు అడిగి సమాధానం రాబట్టడం వంటివి చేయవచ్చు. ఇది వారి తెలివితేటలు మరియు భాషాభివృద్ధికి ఎంతగానో ఉపయోగపడుతుంది .
ఇంట్లో ఉండే కొన్ని వస్తువులు కలిపి అంటే ఉదాహరణకు కొన్ని రకాల పప్పులు, చింతగింజలు, బటన్స్, నాణాలు, చిన్న గులకరాళ్ళూ వంటివి కలిపి వాటిని వేరు చేయమనడం, జతపరచడం, పరిమాణాన్ని బట్టి అమర్చడం, కళ్ళు మూసుకొని కొన్ని వస్తువుల పేర్లు తిరిగి చెప్పమనడం వంటి ఆటలు మీరు మీ పనులు చేసుకుంటూనే ఆడించవచ్చు. దీనివలన పిల్లలకు తెలివితేటలు, జ్ఞాపకశక్తి మెరుగ్గా ఉంటుంది.