చాలా మంది శృంగారం చేసే ముందు ఎన్నో ఊహలతో, కోర్కెలతో, శక్తి రావడం కోసమని గబ గబా ఏదో ఒకటి తినేసి పడక గదిలో ప్రతాపం చూపించేందుకు రెడీ అయిపోతూ ఉంటారు. అయితే నిపుణులు మాత్రం శృంగారానికి ముందు తినే ఆహార విషయంలో చాల జాగ్రత్తగా ఉండాలని సూచిస్తున్నారు.
ముఖ్యంగా బాగా కొవ్వు ఉన్న ఆహార పదార్థాలకు ఎంత దూరంగా ఉంటే అంత మంచిదని ఆహార నిపుణులు సలహాఇస్తున్నారు. శృంగారం చేసే ముందు ఎలాంటి జంక్‌ ఫుడ్‌ను తీసుకోవద్దని డైటీషియన్లు తెలియ చేస్తున్నారు.ఎందుకంటే అది నిద్ర లేమికి కారణమవడం తో పాటు శృంగార శక్తిని కూడా తగ్గించేస్తుందని నిపుణులు తెలియచేస్తున్నారు.
వెంటనే శక్తి వచ్చేయడం కోసం కొందరు పిజ్జాలు,బర్గర్లు, ఎడా పెడా తినేస్తుంటారు. అయితే శృంగారం చేసే ముందు హెవీ ఫుడ్ వలన రాత్రంతా కునుకు పాట్లు తప్పవు అంటున్నారు. ప్రధానంగా పిజ్జా, బర్గర్ల లో వాడే పిండి రిఫైన్డ్ క్వాలిటీ కావడం వలన అందులోని ఫైబర్ శాతం పూర్తిగా తగ్గిపోతుంది. ఫలితంగా ఆ ప్రభావం జీర్ణ శక్తి పై పడుతుంది. అలాగే ఇందు లోని సాస్, చీజ్, చికెన్ లేదా మటన్ కారణంగా కొవ్వు పదార్థాలతో హృదయానికి జరిగే రక్త ప్రసరణ నాళాలకు అంత మంచిది కాదని అంటున్నారు.
అంతేకాదు పిజ్జా తింటే దాని అరిగించుకునేందుకు రక్త ప్రసారం అంతా జీర్ణ ప్రక్రియలో బాగామవడం వలన శృంగారానికి కావాల్సిన ఉత్తేజం తగ్గిపోతుంది. ఫలితంగా హార్మోన్లు విడుదల లేక కునుకు పాట్లు పడాల్సిన పరిస్థితి వస్తుందని నిపుణులు హెచ్చరిస్తున్నారు. దానితో పాటు అందులో వాడే చీజ్, మాంసం, సాస్ వల్ల హృదయానికి రక్తాన్ని సరఫరా చేసే నాళాలకు భవిష్యత్‌లో అనార్థలు వస్తాయని చెబుతున్నారు. కాబట్టి శృంగారానికి ముందుకు ఏదయిన తేలికపాటి ఆహారం మాత్రమే తీసుకోవాలని సలహా ఇస్తున్నారు .
