కరోనా వైరస్ కారణంగా దాదాపు ఆరు నెలల పాటు షూటింగ్స్ జరగలేదు. టాలీవుడ్ మొత్తం మార్చ్ నుండి లాక్ డౌన్ లోనే ఉంది. జూన్ లో ఒకసారి షూటింగ్ మొదలుపెడదామని ప్రయత్నించారు కానీ కరోనా పాజిటివ్ కేసులు ఇరు తెలుగు రాష్ట్రాల్లో ఎక్కువవడంతో మరో ఛాయస్ లేక గమ్మునుండిపోయారు. ఇక ఇప్పుడు సెప్టెంబర్ నుండి సినిమా షూటింగులు మొదలయ్యాయి.
సాయి ధరమ్ తేజ్ తన సోలో బ్రతుకే సో బెటర్ సినిమా షూటింగ్ ను మొదలుపెట్టి పూర్తి చేసేసాడు కూడా. నాగ చైతన్య లవ్ స్టోరీ సినిమా షూటింగ్ లో బిజీగా ఉన్నాడు. ఈ నెలాఖరుకు షూటింగ్ పూర్తయ్యే అవకాశాలు ఉన్నాయి. బెల్లంకొండ శ్రీనివాస్ కూడా అల్లుడు అదుర్స్ షూట్ ను స్టార్ట్ చేసాడు. అక్టోబర్ చివరికి ఈ సినిమా పూర్తవుతుంది. అఖిల్ అక్కినేని మోస్ట్ ఎలిజిబుల్ బ్యాచలర్ షూట్ ను కొన్ని రోజుల క్రితమే మొదలుపెట్టారు. దాదాపు 4 వారాలు షూట్ చేస్తే అది కూడా పూర్తవుతుంది. అక్కినేని నాగార్జున వైల్డ్ డాగ్ షూటింగ్ మొదలైంది.
ఇక అక్టోబర్ నుండి వరసగా షూటింగ్స్ మొదలవుతాయి. ఇప్పటికే వకీల్ సాబ్ షూట్ మొదలవ్వగా పవన్ కళ్యాణ్ ఇంకా పాల్గొనట్లేదు. అక్టోబర్ రెండో వారం నుండి షూట్ కు వస్తాడు. అలాగే ఆర్ ఆర్ ఆర్ షూట్ కూడా అక్టోబర్ రెండో వారం నుండి మొదలవుతుంది. చిరంజీవి కూడా ఆచార్య షూట్ ను అక్టోబర్ రెండో వారం నుండి మొదలుపెట్టడానికి సన్నాహాలు చేస్తున్నాడు. వెంకటేష్ నారప్ప. వరుణ్ తేజ్ బాక్సింగ్ డ్రామాలు కూడా అక్టోబర్ లోనే షూట్ కు వెళతాయి.
ప్రభాస్ రాధే శ్యామ్ షూట్ ఇటలీలో అక్టోబర్ మొదటి వారం నుండి మొదలవుతుంది. ప్రస్తుతం షూట్ మొదలైన సినిమాలలో ఎలాంటి కరోనా పాజిటివ్ కేసులు నమోదవ్వలేదు కాబట్టి అక్టోబర్ నుండి టాలీవుడ్ ధైర్యంగా ముందడుగు వేస్తోంది. ఇలాగే ఎలాంటి కేసులు నమోదవ్వకుండా టాలీవుడ్ తిరిగి నార్మల్ స్థితికి చేరుకోవాలని కోరుకుందాం.