తెలుగు టెలివిజన్ ప్రేక్షకులను ఎంతగానో అలరించే షోలు జబర్దస్త్, బిగ్ బాస్ షోలు. మొన్నటివరకూ సీజన్ ఫోర్ బిగ్ బాస్ ప్రసారం కావడంతో టిఆర్పి రేటింగ్ లలో భారీ స్థాయిలో రికార్డులు సృష్టించింది. ఇక అదే విధంగా టెలివిజన్ ప్రేక్షకులను కడుపుబ్బ నవ్వించే కామెడీ జబర్దస్త్ షో కూడా టిఆర్పి రేటింగ్ లు భారీ స్థాయిలోనే నమోదు అవుతాయి.
అటువంటి ఈ షోలపై టాలీవుడ్ ఇండస్ట్రీ డైరెక్టర్ “పెళ్లి చూపులు” సినిమా తో తనకంటూ సెపరేట్ గుర్తింపు తెచ్చుకున్న తరుణ్ భాస్కర్ ఇటీవల ఓ ప్రముఖ టీవీ న్యూస్ ఛానల్ లో షాకింగ్ కామెంట్లు చేశారు. ఈ రెండు షోలలో ఉండే వాళ్ళ జీవిత గాథలు వింటే చాలాసార్లు తాను ఎంతగానో ఇన్స్పైర్ అయినట్లు తెలిపాడు.
ముఖ్యంగా జబర్దస్త్ షో లో చేసే వాళ్ళు ఐదు నిమిషాలలో కంటెంట్ మొత్తం రెడీ చేసుకుని అక్కడికక్కడ స్టేజీపై పెర్ఫామెన్స్ చేస్తూ ప్రేక్షకులను కడుపుబ్బా నవ్వించడం అంటే మాటలు కాదు, పైగా మామూలు విషయం కాదని తెలిపాడు. అంతే కాకుండా అదే షో కనుక నేను డైరెక్ట్ చేయాల్సివస్తే .. నా వల్ల కాదు అలాంటి డైలాగులు రాయడం అంటూ తరుణ్ భాస్కర్ జబర్దస్త్ షో ని కొనియాడారు. ఆ షో లో నటించే వారికి సరైన ప్లాట్ ఫామ్ ఇండస్ట్రీలో దొరికితే మాత్రం అద్భుతమైన భవిష్యత్తు వారికి ఉంటుంది, వాళ్లంతా వెరీ టాలెంటెడ్ నటులు అంటూ పొగడ్తల వర్షం కురిపించారు.
