బిగ్ బాస్ సీజన్ 4 అప్పుడే హాఫ్ సెంచరీ పూర్తి చేసుకున్నది. మొన్ననే బిగ్ బాస్ ప్రారంభం అయింది అని అనిపిస్తున్నా.. అప్పటికే 50 రోజులు పూర్తి చేసుకుంది. అంటే సగం సీజన్ అయిపోయినట్టే. ఇంకో సగం సీజన్ మిగిలింది అంతే.
50 రోజుల్లో బిగ్ బాస్ హౌస్ లో ట్రయాంగిల్ లవ్ స్టోరీ, గొడవలు, వన్ సైడ్ లవ్ ట్రాక్స్, ఇగోలు.. ఇవే ఎక్కువగా మనకు కనిపిస్తున్నాయి. మొత్తానికి బిగ్ బాస్ 4వ సీజన్ అనుకున్నట్టుగానే ప్రేక్షకులను అలరిస్తోంది.
అయితే.. బిగ్ బాస్ 4వ సీజన్ గురించి బిగ్ బాస్ 2 విజేత కౌశల్ స్పందించాడు. ఆయన ఈ సీజన్ లో టాప్ 5 లో ఎవరు నిలుస్తారో కూడా చెప్పేశాడు.
ఈ సీజన్ కంటే రెండో సీజనే బెస్ట్. ఈ సీజన్ లో చెప్పుకోదగ్గ కంటెస్టెంట్లు లేరు. ఈ సీజన్ కూడా అన్నీ పాత టాస్కులే. కొత్త టాస్కుల జోలికి బిగ్ బాస్ ఎందుకు వెళ్లడం లేదో అర్థమవడం లేదు. బిగ్ బాస్.. కొత్త టాస్కులు కూడా పెట్టండి. గతంలో క్లిక్ అయిన లవ్ ట్రాకులనే ఈ సీజన్ లో కూడా పెట్టాలని ప్రయత్నించారు. కానీ.. అవి వర్కవుట్ కాలేదు. అఖిల్, మోనాల్, అభిజిత్ ట్రయాంగిల్ లవ్ స్టోరీనే దీనికి నిదర్శనం.. అంటూ కౌశల్ చెప్పుకొచ్చాడు.
అలాగే.. ఈ సారి టాప్ 5లో అభిజిత్, నోయల్, లాస్య, అవినాష్ పక్కాగా ఉంటారు. ఈ నలుగురు కాకుండా… సొహైల్, అఖిల్ లో ఎవరో ఒకరు టాప్ 5లో ఉంటారు.. అని కౌశల్ జోస్యం చెప్పాడు.
