నటుడు, కొరియోగ్రాఫర్ దర్శకుడు ప్రభుదేవా 1995లో రమావత్ను పెళ్లి చేసుకుని 16 సంవత్సరాల తర్వాత విడాకులు చేసిన సంగతి తెలిసిందే. ఆ తర్వాత నయనతార తో పెళ్లి వరకు ప్రేమాయణం సాగించిన ప్రభుదేవా మధ్యలో … ఆ పెళ్లి కాస్త పెటాకులైంది. దీంతో అప్పటి నుండి ఒంటరిగా ఉంటున్న ప్రభుదేవా ముంబైలో ఓ లేడీ డాక్టర్ తో ప్రేమలో పడినట్లు ఇటీవల ఆమెను చాలా సైలెంట్ గా ఎవరికీ తెలియకుండా పెళ్లి చేసుకున్నట్లు వార్తలు సోషల్ మీడియాలో వైరల్ అవుతున్నాయి.
ప్రభుదేవాకి ఎప్పటినుండో వెన్నునొప్పి ఉండటంతో.. దానికి సంబంధించి చికిత్స చేస్తున్నా ఓ లేడీ డాక్టర్ ఫిజియోథెరపిస్ట్ తో ప్రభుదేవా ప్రేమలో పడినట్లు.. ప్రేమ కాస్త పెళ్లి గా మారి ఇటీవల ఆమెను ముంబైలో పెళ్లి చేసుకున్నట్లు ప్రచారం జరుగుతోంది. ఇదిలా ఉండగా ప్రస్తుతం ప్రభుదేవా బాలీవుడ్ ఇండస్ట్రీ లో కండల వీరుడు సల్మాన్ ఖాన్ తో “రాధే” అనే సినిమా చేస్తున్నాడు.
గతంలో సల్మాన్ తో ప్రభుదేవా తీసిన దబంగ్ 3 ఫ్లాప్ అయినా కూడా మరోసారి ప్రభుదేవా కి సల్లు బాయ్ అవకాశం ఇవ్వడం జరిగింది. ఇదిలా ఉంటే ప్రస్తుతం ప్రభుదేవా రెండో పెళ్లి అనే వార్త సోషల్ మీడియాలో మాత్రమే కాక ఇండస్ట్రీ వర్గాలలో కూడా పెద్ద చర్చనీయాంశంగా మారింది. దర్శకుడిగా ప్రభుదేవా సౌత్ ఇండస్ట్రీ లో పాటు బాలీవుడ్ లో కూడా సత్తా చాటుతున్న తరుణంలో ఆయన గురించి వచ్చిన ఈ న్యూస్ ఇప్పుడు పెద్ద సంచలనంగా మారింది.