బిగ్ బాస్ 4 సీజన్ ఫోర్ క్లైమాక్స్ కి చేరుకోవడం తో ఆదివారం జరగబోయే గ్రాండ్ ఫినాలే కార్యక్రమాన్ని అంగరంగ వైభవంగా జరపాలని షో నిర్వాహకులు రెడీ అవుతున్నారు. దాదాపు 100 రోజులకు పైగానే ఈ షో టెలివిజన్ ప్రేక్షకులను అలరించడం మాత్రమే కాక టిఆర్పి రేటింగులు కూడా భారీ స్థాయిలో సాధించటం జరిగింది.
ఒకపక్క ఐపీఎల్ సీజన్ జరుగుతున్న గాని షో కి ఎలాంటి ప్రాధాన్యత తగ్గిపోకుండా బిగ్ బాస్ నిర్వాహకులు జాగ్రత్తలు తీసుకుంటూ ఎన్నడూ లేని విధంగా ఈ సీజన్ లో భారీ స్థాయిలో వైల్డ్ కార్డ్ ఎంట్రీ లు ఇప్పించి ఆడియన్స్ కి షోపై బోర్ కొట్టకుండా జాగ్రత్త పడ్డారు. ఇదిలా ఉండగా ఈ సారి విన్నర్ టైటిల్ ప్రకటించడానికి యంగ్ టైగర్ ఎన్టీఆర్ ని గానీ లేకపోతే సూపర్ స్టార్ మహేష్ బాబుని గాని తీసుకొచ్చి ఆలోచన షో నిర్వాహకులు చేస్తున్నట్లు వార్తలు వస్తున్నాయి.
అంతమాత్రమే కాకుండా ఆదివారం జరగబోయే గ్రాండ్ ఫినాలే ఎపిసోడ్ లో అదిరిపోయే డాన్సులు వేయించడానికి ముగ్గురు టాప్ మోస్ట్ హీరోయిన్లను దింపబోతున్నారట. వినబడుతున్న పేర్లు చూస్తే రాయ్ లక్ష్మి మరియు మెహ్రీన్ లతో పాటు మరో ముద్దుగుమ్మను కూడా ఫినాలే ఎపిసోడ్ లో డాన్స్ చేయబోతున్నట్లుగా సోషల్ మీడియాలో టాక్ వస్తుంది. అంత మాత్రమే కాక దసరా ఎపిసోడ్ రోజు అదిరిపోయే స్టెప్పులు తో అలరించిన హీరోయిన్ పాయల్ రాజ్ పూత్ కూడా వచ్చే అవకాశం ఉన్నట్లు సరికొత్త టాక్ వినబడుతోంది.
