పవర్ స్టార్ పవన్ కళ్యాణ్ అజ్ఞాతవాసి తర్వాత మూర్తిగా రాజకీయాలకే పరిమితం అయిపోతానని.. ప్రజా సేవలో ఉంటానని చెప్పుకొచ్చిన సంగతి తెలిసిందే. కాని అభిమానుల కోరిక కావచ్చు మరేదైనా ముఖ్య కారణం కావచ్చు అనూహ్యంగా మాత్రం మళ్ళీ సినిమాలకి గ్రీన్ సిగ్నల్ ఇచ్చాడు. ఒకవైపు రాజకీయాలు మరోవైపు సినిమాలతో బిజీగా గడుపుతున్నాడు. రెండు పడవల ప్రయాణం విజయవంతంగా సాగుతోంది.
ఇక పాలిటిక్స్ లో కొనసాగాలంటే ఆర్థిక బలం ఎంతో అవసరం. ఈ కారణంగానే పవన్ కళ్యాణ్ మళ్ళీ సినిమాలు కమిటయినట్టు తెలుస్తుంది. రీ ఎంట్రీ ఇవ్వాలని నిర్ణయించుకోవడమే ఆలస్యం బ్యాక్ టూ బ్యాక్ సినిమాలకు కమిట్ అవుతున్నాడు. చెప్పాలంటే పవన్ కళ్యాణ్ తన కెరీర్లో ఎప్పుడూ లేనంత స్పీడ్ గా వరసగా ప్రాజెక్ట్స్ కి గ్రీన్ సిగ్నల్ ఇచ్చాడు. ఇప్పటికే ‘వకీల్ సాబ్’ చిత్రీకరణ చివరి దశకు చేరుకుంది.
ఇక క్రిష్ దర్శకత్వంలో తెరకెక్కుతున్న మరో సినిమా షూటింగ్ కూడా త్వరలోనే తిరిగి ప్రారంభం కానుందని తెలుస్తుంది. కాస్త గ్యాప్ రావడంతో వైష్ణవ్ తేజ్ తో ఒక ప్రాజెక్ట్ చేస్తున్న క్రిష్ డిసెంబర్ నుంచి మళ్ళీ పవన్ కళ్యాణ్ సినిమాని సెట్స్ మీదకి తీసుకు రావాలని షెడ్యూల్స్ ప్లాన్ చేస్తున్నాడట. అంతేకాదు హరీష్ శంకర్ తో ఒక సినిమా.. సురేందర్ రెడ్డి దర్శకత్వంలో ఒక సినిమా కూడా చేయనున్నాడు పవన్ కళ్యాణ్.
అంతేకాదు ఇటీవల భక్తుడు బండ్ల గణేష్ నిర్మాణంలో కూడా ఒక సినిమా చేయబోతున్నట్టు అఫీషియల్ గా అనౌన్స్ చేసిన సంగతి తెలిసిందే. ఇంకా ఈ సినిమాని తెరకెక్కించే దర్శకుడెవరన్నది సస్పెన్స్ గా ఉంది. కాగా వచ్చే సార్వత్రిక ఎన్నికల కంటే ముందే సాధ్యమైనంతవరకు కమిటయిన సినిమాలన్ని పూర్తి చేయాలని ప్లాన్ చేసుకున్నాడట పవర్ స్టార్. అయితే రాజకీయాల్లో ఎప్పుడు ఎలాంటి పరిణామాలు తలెత్తుతాయో తెలీదు కాబట్టి తనకి అత్యంత సన్నిహితులైన నిర్మాతల తోనే పవన్ తన సినిమాలకి కమిటయినట్టు సమాచారం.
ఎప్పుడో దిల్ రాజుకు సినిమా చేస్తానై మాటిచ్చిన పవన్ కళ్యాణ్ ఆ మాట కోసమే వకీల్ సాబ్ చేస్తున్నాడు. క్రిష్ తెరకెక్కిస్తున్న సూర్య మూవీస్ ఏఎమ్ రత్నంతో పవన్ కు ఎప్పటి నుంచో మంచో మంచి రిలేషన్ ఉంది. ఇలాగే హరీష్ శంకర్ ..పవర్ స్టార్ కి ఫ్యాన్. మైత్రీ మూవీస్ వారితో పవన్ తో చాలా క్లోజ్ గా ఉంటాడు. అలాగే సురేందర్ రెడ్డి ప్రాజెక్ట్ ని నిర్మించనున్న రామ్ తాళ్లూరి కూడా పవన్ కళ్యాణ్ అత్యంత సన్నిహితుడు. ఇక బండ్ల గణేష్ గురించి ప్రత్యేకంగా చెప్పనవసరం లేదు. ఈ సాన్నిహిత్యం వల్లనే బయట వాళ్ళతో కాకుండా ఈ నిర్మాతలతో పవన్ సినిమాలు అంగీకరించాడని చెప్పుకుంటున్నారు.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!