Virat Kohli: ఇటీవలే టీం ఇండియా కెప్టెన్ విరాట్ కోహ్లీ Virat Kohli మరియు బాలీవుడ్ స్టార్ హీరోయిన్ అనుష్క శర్మ లకు జనవరి 11 న తొలి సంతానంగా ఆడపిల్ల పుట్టిన సంగతి మనకి తెలిసిందే. అయితే ఆ సమయంలో విరాట్ కోహ్లీ తన ఆస్ట్రేలియా టూర్ నుంచి ఇండియా కి వచ్చి మరీ తన కూతురిని చూసుకున్నాడు. ఈ జంట వారి కూతురికి వామిక కోహ్లీ అనే పేరు పెట్టారు.
ఇది తెలిసిన వీరి అభిమానులు వామికా పదానికి అర్థం ఏంటో గూగుల్ లో తెగ వెతికేస్తున్నారు. వామిక అనేది పార్వతి దేవి పేరు. ఇక ఈ పాప పుట్టడంతోనే ఎంతో అదృష్టం చేసుకుందని చెప్పొచ్చు. తల్లి బాలీవుడ్ స్టార్ హీరోయిన్ మరియు ప్రొడ్యూసర్ అలాగే తండ్రి టీం ఇండియా కెప్టెన్. అయితే ప్రస్తుతం బాలీవుడ్ లో వినిపిస్తున్న వార్తల ప్రకారం కోహ్లీ తన కూతురు వామిక కోసం ఏకంగా కొన్ని వందల కోట్లను ఆమె పేరు మీద ట్రాన్స్ఫర్ చేసాడట.
కేవలం క్రికెటర్ గానే విరాట్ కోహ్లి కోట్లలో ఆస్తులు సంపాదించాడని సెప్పాలి. ప్రతి సంవత్సరం విరాట్ కు బీసీసీఐ నుంచి వార్షిక ఆదాయంగా రూ. 7 కోట్లు వస్తున్నాయి. అలాగే తాజాగా జరిగిన 2020 ఐపీఎల్ కి గాను విరాట్ కోహ్లీ అత్యధిక ధర పలికిన ప్లేయర్ అని చెప్పొచ్చు. ఐపీఎల్ లో విరాట్ పారితోషికం రూ. 18కోట్లు. అంతేకాకుండా ఇప్పటికి కూడా విరాట్ అనేక జాతీయ, అంతర్జాతీయ సంస్థల ఉత్పత్తులకు బ్రాండ్ అంబాసిడర్ గా ఉన్నారు. వీటితోపాటు విరాట్ కోహ్లీకి రెండు స్టార్ రెస్టారెంట్లు ఉన్నాయట. మొత్తం విరాట్ మరియు అనుష్క ల సంపాదన మరియు ఆస్థి విలువ కలిపితే ఏకంగా రూ. 1200 కోట్లని తెలుస్తుంది.
