Revanth Reddy: టీపీసీసీ అధ్యక్షుడు రేవంత్ రెడ్డిని పోలీసులు అరెస్టు చేశారు. ఈ రోజు సీఎం కేసిఆర్ జన్మదినోత్సవం సందర్భాన్ని పురస్కరించుకుని టీపీసీసీ నిరసన కార్యక్రమాలకు పిలుపునిచ్చింది. దీంతో అప్రమత్తమైన పోలీసులు జూబ్లిహిల్స్ లో రేవంత్ రెడ్డిని తన ఇంటి వద్దనే అదుపులోకి తీసుకున్నారు. ఈ సందర్భంలో రేవంత్ రెడ్డికి, పోలీసులకు మధ్య వాగ్వివాదం జరిగింది. తనను ఎందుకు అరెస్టు చేస్తున్నారో చెప్పాలని ప్రశ్నించారు.
Read More: CM YS Jagan: అధికారులకు సీఎం జగన్ కీలక ఆదేశం..ప్రస్తుత పరిస్థితిలో ఇది తప్పేలా లేదు.
Revanth Reddy: యూత్ కాంగ్రెస్ ఆధ్వర్యంలో గాడిదకు జన్మదిన వేడుకలతో నిరసన
విషయంలోకి వెళితే..సీఎం కేసిఆర్ పుట్టినరోజు వేడుకలను మూడు రోజుల పాటు జరపడాన్ని నిరసిస్తూ రాష్ట్ర వ్యాప్తంగా ఆందోళనలకు రేవంత్ పిలుపునిచ్చారు. ఉద్యోగ నోటిఫికేషన్ లు రాక, నిరుద్యోగ భృతి లేక చాలా మంది యువత ఆత్మహత్యలు చేసుకుంటున్నారనీ, అటు రైతులు కూడా ఆత్మహత్యలకు పాల్పడుతున్నానీ, వీరిని ఆదుకోకుండా ఏమి సాధించారని ఇంత గొప్పగా కేసిఆర్ పుట్టిన రోజు వేడుకలు నిర్వహిస్తారని ప్రశ్నిస్తూ కేసిఆర్ పుట్టిన రోజు వేడుకలకు కౌంటర్ గా రాష్ట్ర వ్యాప్తంగా నిరసనలకు పిలుపునిచ్చారు ఈ నిరసన కార్యక్రమాల్లో భాగంగా ఉదయం 11 గంటలకు యూత్ కాంగ్రెస్ ఆధ్వర్యంలో గాంధీ భవన్ వద్ద గాడిదకు జన్మదిన వేడుకల పేరిట వినూత్న నిరసన కార్యక్రమాన్ని ఏర్పాటు చేశారు. ఆ ఆందోళనకు రేవంత్ రెడ్డి పాల్లొనే అవకాశం ఉందని భావించిన పోలీసులు ముందస్తుగా అరెస్టు చేశారు.
Read More: Chandrababu: పార్టీ అనుబంధ కమిటీ నేతలకు తలంటిన టీడీపీ అధినేత చంద్రబాబు..ఎందుకంటే..?