తెలంగాణ‌ న్యూస్

‘చిన్నసారు’పై సిరిసిల్ల గులాబీ నేతల చిర్రుబుర్రు!సీఎం బిడ్డ గడ్డలోనే గడబిడ!

Share

తెలంగాణ సిఎం కెసిఆర్ కుమారుడు కెటిఆర్ ప్రాతినిధ్యం వహిస్తున్న సిరిసిల్ల నియోజకవర్గంలో జరుగుతున్న పరిణామాలు పొలిటికల్​ సర్కిల్​లో హాట్​టాపిక్​లా మారాయి. ​

పార్టీలో మొదటి నుంచీ ఉంటున్న తమకు మంత్రి కేటీఆర్ కనీస విలువ ఇవ్వట్లేదని, సమస్యలు చెప్పుకునేందుకు హైదరాబాద్​ వెళ్తే అపాయింట్​మెంట్ కూడా​దొరకట్లేదని నియోజకవర్గానికి చెందిన టీఆర్​ఎస్​ సీనియర్లు, ప్రజాప్రతినిధులు కొన్నాళ్లుగా అసంతృప్తితో రగిలిపోతున్నారు. కాంగ్రెస్​ నుంచి వలసొచ్చిన ఓ నలుగురు లీడర్ల మాటలనే చిన్న సారు వింటున్నారని, వాళ్లు చెప్పినట్టే నడుచుకుంటున్నారని ఆరోపిస్తున్నారు. ఇటీవల దుబ్బాక, జీహెచ్​ఎంసీ ఎలక్షన్స్​లో బీజేపీ పుంజుకొని టీఆర్​ఎస్​ డీలా పడడంతో సిరిసిల్ల నియోజకవర్గంలోని ​టీఆర్​ఎస్​ అసంతృప్త నేతలంతా ఒక్కసారిగా వాయిస్​ రేజ్​​చేశారు. సిరిసిల్ల పక్క మండలంలోని ఓ మామిడితోటలో సీనియర్లు, ప్రజాప్రతినిధులంతా ఓ మీటింగ్​ పెట్టారు. ఇకనైనా మంత్రి కేటీఆర్​ తమను పట్టించుకోకపోతే మూకుమ్మడిగా బీజేపీలోకి జంప్​అవుతామని  హెచ్చరించారు.

జంపింగ్ జిలానీలకు పెద్దపీట!

టీఆర్​ఎస్​లో మొదటి నుంచీ ఉంటున్నవారిని కాదని ​కాంగ్రెస్​ నుంచి వలసొచ్చిన లీడర్లకే  మంత్రి కేటీఆర్ ప్రియారిటీ ఇస్తున్నారని సిరిసిల్ల నియోజకవర్గానికి చెందిన టీఆర్​ఎస్​ సీనియర్లు, ప్రజాప్రతినిధులు కొద్దిరోజులు గా అసంతృప్తిలో ఉన్నారు. ఇందుకు తగినట్లే ఇటీవల నాలుగు మండలాల్లో అగ్రికల్చర్​ మార్కెట్​ కమిటీ లకు చైర్మన్​ పదవులు ప్రకటించగా, అన్నీ కొండూరి రవీందర్​రావు వర్గీయులకే దక్కాయి. అందులో ముగ్గురు కాంగ్రెస్​ నుంచి వలస వచ్చినవారే. తాము పంపిన లిస్టును పూర్తిగా పక్కనపెట్టేయడంతో మిగిలిన లీడర్లు నారాజ్​ అయ్యారు. ఇదిలా ఉంటే సిరిసిల్లలోని పద్మశాలీ కులానికి చెందిన టీఆర్​ఎస్​ రాష్ట్ర కార్యదర్శి గూడూరి ప్రవీణ్​కు స్టేట్​లెవల్​ పదవి ఇస్తామని నాలుగేండ్ల కింద  కేటీఆర్​ హామీ ఇచ్చి మరిచిపోయారు. దీనిపై ఆ కులానికి చెందిన నేతల్లో అసంతృప్తి నెలకొంది. దీనికి తోడు కేటీఆర్​ మేనబావ చీటీ నర్సింగరావు తాను​ సిరిసిల్లలో తెలంగాణ ఉద్యమం కాలం నుంచి పని చేస్తున్నా ఇప్పటికీ ఒక్క  పదవి ఇవ్వలేదని బహిరంగంగానే తన ఆవేదన వెళ్లగక్కుతున్నారు. ఇక ఊళ్లలో విలేజ్​పార్కులు, శ్మశానాలు, డంప్​యార్డులు, రైతువేదికలు కట్టి సర్కారు నుంచి ఫండ్స్​ రాక అందరిలాగే టీఆర్​ఎస్​ సర్పంచులు తీవ్ర ఇబ్బందులు పడుతున్నారు. ఫండ్స్​ లేక ఊళ్లలో డెవలప్​మెంట్​ పనులు చేయలేకపోతున్నామని ఎంపీటీసీలు, జడ్పీటీసీలు ఆవేదన చెందుతున్నారు. మిగిలిన నియోజకవర్గాల్లో కనీసం ఎమ్మెల్యేల వద్ద తమ గోడు చెప్పుకొని కాస్త రిలాక్స్​ అవుతున్నా సిరిసిల్ల నియోజకవర్గంలోని టీఆర్​ఎస్ ప్రజాప్రతినిధులకు ఆ పరిస్థితి కూడా లేకుండా పోయింది. రెండోసారి గెలిచాక మంత్రి కేటీఆర్​ సిరిసిల్ల సెగ్మెంట్​కు రావడం తగ్గింది. ఒకవేళ  వచ్చినా ఏవేవో శంకుస్థాపనలు, ప్రారంభోత్సవాలు పెట్టుకొని హడావుడిగా వెళ్లిపోతున్నారు. హైదరాబాద్​లో కలుద్దామంటే
అపాయింట్​మెంట్​ దొరకట్లేదని సిరిసిల్ల లీడర్లు అంటున్నారు.

అలర్ట్ అయిన కేటిఆర్!

ఈ విషయాలన్నీ కేటీఆర్ కి తెలియడంతో ఆయన నష్ట నివారణ చర్యలు ప్రారంభించారు.  నియోజకవర్గంలోని ప్రజాప్రతినిధులు, సీనియర్లతో మాట్లాడేందుకు వారం రోజుల షెడ్యూల్​ ప్రకటించి, ఆయా రోజుల్లో హైదరాబాద్​ రావాలని ఆహ్వానం పంపారు. ఇకపై తాను అందరికీ అందుబాటులో ఉంటానని, ఏ విషయమైనా లీడర్లందరి అభిప్రాయాలు తీసుకున్నాకే ముందుకెళ్తానని కేటీఆర్​ నచ్చజెప్పినట్లు తెలిసింది. ఎవరూ నారాజ్​ కావొద్దని, పార్టీ మారే ఆలోచన మనసులోకి రానివ్వొద్దని సిరిసిల్ల నేతలకు ఆయన సూచించినట్లు సమాచారం.

 


Share

Related posts

Corona: క‌రోనా టైంలో ఒక్కొక్క‌రుగా మోడీని భ‌లే బుక్ చేస్తున్నారుగా

sridhar

Google Maps : సరికొత్త ఫీచర్ తో గూగుల్ మ్యాప్స్.. ఫీచర్ అదుర్స్..

bharani jella

kisses: ఒక్కొక్క చోట పెట్టిన ముద్దు ఒక్కొక్క భావం తెలియచేస్తుంది…అది ఏంటో తెలుసుకోండి!!

siddhu
Enable Notifications    Recieve Updates No thanks
Skip to toolbar