Bodhidharma: మనలో చాలామంది హీరో సూర్య శివకుమార్ నటించిన సెవెంత్ సెన్స్ సినిమాలోనే మొదటిసారిగా బోధిధర్మ పేరు విన్నాం. భారతీయుడు అయిన ఈ మహాపురుషుడి గురించి చైనీస్ కు తెలిసినంతగా భారతీయులకు తెలియదనే చెప్పాలి. కానీ వాస్తవానికి సెవెంత్ సెన్స్ సినిమాలో బోధిధర్మ గురించి చెప్పిన విషయాలలో కొన్ని మాత్రమే వాస్తవాలు. బోధిధర్మ జీవిత చరిత్రని సినిమాకి అనుగుణంగా మార్చుకుని సినిమాను రూపొందించారు.
బోధిధర్మగా పిలవబడుతున్న ఆ మహానుభావుడి అసలు పేరు ధర్మ వర్మ. బోధిధర్మ స్వస్థలం తమిళనాడులోని కంచిపురం. ఈయన అయిదవ శతాబ్దానికి చెందిన వ్యక్తి. అయితే బోధిధర్మ నిజానికి మన భారతదేశంలోనే జన్మించినా, గురువు ఆజ్ఞల మేరకు ఆయన ఎక్కువ కాలం చైనా లోనే గడపవలసివచ్చింది.
బోదిధర్మ చాలా సుందరంగా నీలి రంగు కళ్లతో ఉండేవారట. ఆయన చూడడానికి చాలా గంభీరంగా కనిపించేవారట. కొంత కాలానికి ఆయన తన గురువు ఆదేశాల మేరకు బోధిధర్మ 40 ఏళ్ల పాటు శ్రమించి బౌద్ధ గ్రంథాలపై పట్టు సాధించారు. ఆ తరువాత 67 ఏళ్ల వయస్సులో బోధిధర్మ సముద్ర మార్గంలో చైనాకు వెళ్లారు.
అయితే, ఇటీవల అసలు చైనాకు కుంగ్‌ఫూను నేర్పించి బోదిధర్మ నే అని ప్రచారం సాగుతుంది. కానీ, అందులో ఎంతమాత్రమూ వాస్తవం లేదు. బోదిధర్మ చైనా ప్రజలకు భారతీయు యుద్ధ కళలను అన్నీ కలిపి నేర్పించిన విద్యను షావోలిన్ కుంగ్‌ఫూ అని పిలుస్తారు. నిజానికి ఈ షావోలిన్ కుంగ్‌ఫూ చైనీయుల కుంగ్‌ఫూ కంటే ఎంతో మెరుగైనది మరియు కష్టమైనది కూడా.
అయితే ఈ విద్య చైనా ప్రజలకు ఆత్మరక్షణలో ఎంతో ఉపయోగపడింది. కుంగ్ ఫూ తో పాటుగా బోధిధర్మ అక్కడి ప్రజలకు ఆయుర్వేద వైద్యం ను కూడా పరిచయం చేసారు.
గమనిక: మాకు అందుబాటులో ఉన్న సమాచారం ప్రకారం మరియు చారిత్రక ఆధారాలను ఆధారంగా చేసుకుని ఈ కథనాన్ని మీకు అందిస్తున్నాం.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?