ప్ర‌శాంత‌త లేక‌పోవ‌డం,నిద్ర‌లేమి, చిరాకుగా అనిపించ‌డం, రక్తపోటు పెరిగిపోవ‌డం, వికారంగా అనిపించ‌డం, ప్ర‌తి విష‌యానికీ ఎక్కువ‌గా బాధ‌ప‌డ‌టం, ఏకాగ్ర‌త కోల్పోవ‌డం, తీవ్ర భ‌యాందోళ‌న‌లు వంటివి ఎదుర‌వుతుంటే ఆందోళ‌న బారిన ప‌డిన‌ట్టుగుర్తించాలి. కొన్ని ర‌కాల శ్వాస కు సంబందించిన వ్యాయామాలు చేయడం వలన ఒత్తిడి, ఆందోళనను తరిమేయవచ్చు.
ప్రాణాయామం(యోగ శ్వాస)
యోగా ఒక పురాతన అభ్యాసం. యోగాస‌నాలలో శ్వాస ప్రధాన భాగం. ప్రాణ‌యామం లో చాలార‌కాలుఉంటాయి. ఇవన్నీఆందోళనకు దూరం గా ఉండేందుకు ఉపయోగపడుతుంది. భ్రమరి ప్రాణాయామం ఇందులో చాల ముఖ్య‌మైన‌ది. ఇందులో శ్వాస తీసుకున్న త‌రువాత క‌ళ్లు, చెవులు మూసి తేనెటీగలా శ‌బ్దం చేస్తూ శ్వాస వ‌ద‌లాలి.దీని వలనఒత్తిడి తగ్గిపోయిన అనుభవం కలుగుతుంది.
సాధారణ శ్వాస వ్యాయామం ఎలా చేయాలో తెలుసుకుందాం.
ముక్కు ద్వారా నెమ్మదిగా, పూర్తిగా గాలి పీల్చుకోవాలి. భుజాలను విశ్రాంత స్థితికి తీసుకురావాలి.తర్వాత పొత్తికడుపును విస్తరిస్తూ ఛాతీని పెంచాలి. ఇప్పుడునోటి ద్వారా నెమ్మదిగా గాలిని బ‌య‌ట‌కు వ‌ద‌లాలి. దవడను విశ్రాంతంగా వ‌దిలేసి, గాలిని పూర్తిగా వ‌ద‌లాలి. దీన్ని కొన్నినిమిషాల పాటుచేస్తే మ‌న‌సు ప్రశాంతం గా మారుతుంది.
సింహ శ్వాస వ్యాయామం (ల‌య‌న్ బ్రీతింగ్ ఎక్స‌ర్‌సైజ్)
ముందుగా వ‌జ్రాస‌నం లో కూర్చోవాలి. ముక్కు ద్వారా పూర్తిగా శ్వాస తీసుకోవాలి. త‌రువాత నోటి నుంచి హ.. అనే శ‌బ్దం చేస్తూ శ్వాస ను వదిలి పెట్టాలి. నోటిని పూర్తిగా తెరి‌చి, నాలుకను గ‌డ్డం వైపు కింద‌కిఉంచి గాలి వ‌ద‌లాలి. ఆ స‌మ‌యం లో నుదుటి మ‌ధ్య‌లో దృష్టి నిలపాలి. మ‌ళ్లీ గాలి పీల్చుకునేట‌ప్ప‌డు ముఖాన్ని సాధారణ స్థితికి తీసుకురావాలి.
నాడిశోధ‌న ప్రాణాయామం
ముందుగా పిడికిలి బిగించి ముక్కు కుడి వైపు రంద్రాన్ని బొటన వేలుతో మూసి ఉంచాలి. ఎ‌డ‌మ‌పైపు రంద్రం తో శ్వాస తీసుకోవాలి. త‌రువాత ఎడ‌మ రంద్రాన్ని చూపుడు వేలితో మూసి కుడి రంద్రం నుంచి శ్వాస వ‌ద‌లాలి. దీన్ని క‌నీసం అయిదుసార్లు ప్ర‌య‌త్నించాలి. ఈ శ్వాస వ్యాయామాలు ఆందోళనను దూరం చేసి ప్రశాంతం గా ఉండటానికి ఎంతగానో ఉపయోగపడుతుంది.
Disclaimer : పైన సూచించిన ఆరోగ్య సూత్రాలు, లేదా హెల్త్ కి సంబంధించిన ఇన్ఫోర్మేషన్ ఇంటర్నెట్ నుంచి తీసుకున్నది మాత్రమే. అవన్నీ పాటించే ముందర తప్పనిసరిగా స్పెషలిస్ట్ డాక్టర్ సలహా తీసుకోండి.
