Jobs: తెలంగాణలో నిరుద్యోగులకు ప్రభుత్వం గుడ్ న్యూస్ చెప్పింది. తెలంగాణలో ప్రభుత్వ ఉద్యోగ ఖాళీల భర్తీకి చర్యలు తీసుకుంటామని అసెంబ్లీలో ముఖ్యమంత్రి కేసిఆర్ ప్రకటించిన సంగతి తెలిసిందే. సీఎం కేసిఆర్ ఇచ్చిన హామీ మేరకు వివిధ విభాగాల్లో ఖాళీల భర్తీకి వరుసగా ప్రభుత్వం నోటిఫికేషన్లు జారీ చేస్తున్నది. ఇప్పటికే 30వేలకు పైగా ఉద్యోగాల భర్తీకి నోటిఫికేషన్లు జారీ చేసిన సర్కార్ తాజాగా 10,105 ఉద్యోగాల భర్తీకి ఆర్ధిక శాఖ అనుమతులు జారీ చేసింది.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
మైనార్టీ గురుకుల విద్యాలయాల సంస్థలో 1,445, బీసీ గురుకుల విద్యాలయాల సంస్థలో 3,870, గిరిజన గురుకుల విద్యాలయాల సంస్థలో 1,514, ఎస్సీ గురుకుల విద్యాలయాల సంస్థ పరిధిలో 2,267 ఉద్యోగాలు మొత్తం 9,096 పోస్టులను గురుకుల విద్యాలయాల నియామక బోర్డు ద్వారా భర్తీ చేయనున్నారు. ఎస్సీ అభివృద్ధి శాఖలో 316, మహిళా – శిశు సంక్షేమ శాఖలో 251, బీసీ సంక్షేమ శాఖలో 157, గిరిజన సంక్షేమ శాఖలో 78, దివ్యాంగ శాఖలో 71, జువైనల్ వెల్పేర్ లో 66 సహా ఇతర 995 ఉద్యోగాలను టీఎస్పీఎస్సీ ద్వారా భర్తీ చేయనున్నారు. మహిళా శిశు సంక్షేమ శాఖలో జిల్లా ఎంపిక కమిటీ ద్వారా మరో 14 ఉద్యోగాలను భర్తీ చేయనున్నారు.
వివిధ శాఖల్లో 10,105 ఉద్యోగాల భర్తీకి రాష్ట్ర ప్రభుత్వం అనుమతి ఇచ్చినట్లు ట్విట్టర్ వేదికగా పేర్కొన్న ఆర్ధిక శాఖ మంత్రి హరీష్ రావు.. సీఎం కేసిఆర్ నేతృత్వంలో ఇప్పటికే 45,325 ఉద్యోగాల భర్తీకి నోటిపికేషన్లకు అనుమతి ఇచ్చినట్లు చెప్పారు. త్వరలోనే మరిన్ని ఉద్యోగ నోటిఫికేషన్లు వస్తాయని తెలిపారు. కొందరు చేసే ఉద్యోగాల ప్రకటనలు జుమ్లా మాత్రమేనని సెటైర్ వేశారు.
