Thirumala new rules: పండుగల నేపథ్యంలో తిరుమతిలో భక్తుల రద్దీ భారీగా పెరిగింది. దేశ నలుమూలల నుంచి భక్తులు శ్రీవారిని దర్శించుకునేందుకు పెద్ద ఎత్తున తరలివస్తున్నారు. ఈ క్రమంలోనే టీటీడీ బోర్డు శ్రీవారిని దర్శించుకోవాలని వచ్చే వారి కోసం కొత్త నిబంధనలు తీసుకొచ్చింది. భక్తులు తప్పనిసరిగా రెండు డోసులు వ్యాక్సిన్ పూర్తయిన సర్టిఫికేట్, మూడు రోజుల ముందు కరోనా నెగెటిట్ సర్టిఫికేట్ తీసుకురావాలని తెలిపింది. కరోనా నియంత్రణ కోసమే ఈ నిర్ణయం తీసుకున్నట్టు ప్రకటించింది. దీనికి భక్తులు సహకరించాలని టీటీడీ అధికారులు కోరారు.
TTD: సీనియర్ సిటిజన్ లకు టీటీడీ గుడ్ న్యూస్..!!
Thirumala new rules: ప్రత్యేక దర్శనం, సర్వదర్శనం టికెట్లు..
శ్రీవారి ప్రత్యేక దర్శనం టికెట్లు నేటి నుంచి (శుక్రవారం) నుంచి విడుదల కానున్నట్టు టీటీడీ బోర్డు ప్రకటించింది. నవంబర్, డిసెంబర్ నెలకు సంబంధించి ప్రత్యేక దర్శనం టికెట్లు విడుదల చేయనున్నట్టు అధికారులు పేర్కొన్నారు. ఉదయం 9 నుంచి 3 గంటల వరకు రూ.300ల టికెట్లు మొత్తం 12వేల వరకు విక్రయించనున్నారు. శనివారం ఉదయం 10వేల సర్వదర్శనం టికెట్లను ఇవ్వనున్నట్టు తెలిపారు. దసరా, దీపావళి పండుగలను దృష్టిలో పెట్టుకుని భక్తులు పెద్ద ఎత్తున తరలి వస్తున్నట్టు అధికారులు గుర్తించారు. దీంతో రద్ధీ ఎక్కువగా పెరుగుతుంది. ఈ క్రమంలోనే ముందుగానే ఆన్‌లైన్ ద్వారా టికెట్లు బుక్ చేసుకోవాలని అధికారులు సూచించారు.
TTD Board: టీటీడీ ప్రత్యేక ఆహ్వానితుల వివాదం..! సుప్రీంలో ముందరి కాళ్లకు బంధం..!!
ఆఫ్‌లైన్ బంద్…
అయితే, రూ.300 ప్రత్యేక దర్శనం , టైం స్లాట్ సర్వదర్శనం టోకెన్లను గోవింద యాప్ లో కాకుండా టీటీడీ వెబ్‌సైట్‌‌లోనే బుక్ చేసుకోవాలని బోర్డు తెలిపింది. రూ.300 టోకెన్లు, సర్వదర్శనం టోకెన్లు నేడు, రేపు విడుదల కానుండటంతో భక్తులు ఎదురుచూస్తున్నారు. ప్రత్యేక దర్శనం టికెట్లు దొరకక పోయినా సర్వదర్శనం టికెట్లు తీసుకోవాలని భక్తులు యోచిస్తున్నట్టు తెలుస్తోంది. ప్రస్తుతం టికెట్లు మొత్తం ఆన్‌లైన్ లోనే విడుదల చేస్తుండటంతో శ్రీనివాస కాంప్లెక్స్‌లో ఆఫ్ లైన్ టికెట్ కౌంటర్‌ను మూసివేశారు.
TTD Chairman: జీడిపప్పు – స్పెషల్ బోర్డు..!? టీటీడీలో వివాదం – సంవాదం – సహవాసం..!
