ఉత్కంఠ భరితంగా సాగుతున్న అమెరికా అధ్యక్ష ఎన్నికల ఓట్ల లెక్కింపులో డెమొక్రటిక్ అభ్యర్థి జో బైడన్ మాజిక్ ఫిగర్కు ఆరు అడుగుల దూరం (ఆరు ఓట్లు)లో ఉన్నారు. బైడెన్ ఇప్పటికే 264 ఎలక్ట్రోరల్ ఓట్లు సాధించగా అధ్యక్షుడు, రిపబ్లికన్ అభ్యర్థి ట్రంప్నకు 214 ఓట్లు మాత్రమే లభించాయి. జో బైడన్ మరో రికార్డును సాధించనున్నారు. భారీ ఓట్లను పొందిన అభ్యర్థిగా బైడన్ నిలువనున్నారు. ఇప్పటికే బైడెన్కు 7.19కోట్ల ఎలక్ట్రోలర్ ఓట్లు లభించాయి. ట్రంప్ కేవలం 6.85కోట్ల ఓట్లు మాత్రమే సాధించారు. ఇంకా ఓట్ల లెక్కింపు కొనసాగుతోంది. బైడన్కు ఇంకా పాపులర్ ఓట్లు పెరిగే అవకాశం ఉంది.
మిషిగన్ (16)లో బైడెన్ విజయం సాధించారు. కాగా మిషిగన్ ఎన్నికల ఫలితాలపై అధ్యక్షుడు ట్రంప్ అక్కడి కోర్టులో పిటిషన్ దాఖలు చేశారు. ఓటింగ్ ప్రక్రియలో అవకతవకలు జరిగాయని రిపబ్లికన్ ప్రచార బృందం పిటిషన్లో పేర్కొంది. పలు కీలక రాష్ట్రాలకు చెందిన ఓట్ల లెక్కింపు మధ్యాహ్నానికి పూర్తి అయ్యే అవకాశం ఉంది. ఇప్పుడు లెక్కింపు జరిగే రాష్ట్రాల్లో మెజార్టీ సాధిస్తే ట్రంప్ గెలుపొందే అవకాశాలు ఉన్నాయి.
అగ్రరాజ్యం అమెరికాలో ఓట్ల లెక్కింపుపై యావత్ ప్రపంచం ఉత్కంఠతో ఎదురుచూస్తోంది. అన్ని ఎగ్జిట్ పోల్స్ అంచనాలకు అనుగుణంగా బైడన్ విజయానికి చేరువలో ఉన్నారు. అయితే ఎన్నికల తీరుపై సుప్రీం కోర్టును ఆశ్రయించనున్నట్లు ట్రంప్ ప్రకటించగా, బైడెన్ కూడా న్యాయపోరాటానికి సిద్ధమవుతున్నట్లు ప్రకటించారు. ఒక వేళ కోర్టుకు వెళితే ఫలితం మరింత ఆలస్యం అయ్యే అవకాశాలు ఉన్నాయని విశ్లేషకులు భావిస్తున్నారు.