మాటలు కూడా సరిగ్గారాని కొంత మంది చిన్నారులు చేసే పనులు, చెప్పే మాటలు చూస్తే.. వాళ్ల వయసుకు, మాటలకు, చేతలకు అసలు సంబంధమే లేదు అనిపిస్తుంది కదూ.. నిజమే కొందరు పిల్లలు మాటలే సక్కగా రావు కానీ పద్యాలు, పాటలు పాడి ఔరా అనిపించుకుంటారు. ఎంతో క్లిష్టమైన సమాధానాలను కూడా గుర్తు పెట్టుకుని అందరినీ ఆశ్చర్యానికి గురిచేస్తుంటారు. ఇలా ఇంకో బుడతడు కూడా తన చిట్టిపొట్టి మాటలతో అందరిని ఫిదా చేస్తున్నాడు.
ఆ బుడ్డోనికి ఏబీసీడీలు రాసేంత వయసు కూడా లేదు. కానీ పలు దేశాల జాతీయ జెండాలను చూపిస్తే.. దేశం పేరు టక్కున చెప్పేస్తున్నాడు. సైన్స్ ఫార్ములా అంటే అసలే ఎరుగని ఆ బుడ్డోడు.. రసాయన సమీకరణలు చెప్తూ.. అందరిని ఆశ్చర్యపరుస్తున్నాడు. వయసు రెండేళ్లే అయినా.. తన చిట్టి మెదడుతో ఎన్నో అద్భుతాలు చేస్తూ.. అందరి చేత ఔరా అనిపించుకుంటున్నాడు. అందుకే అతి చిన్న వయసులో ఇండియా బుక్ ఆఫ్ రికార్డ్స్ లో కూడా చోటు సాధించాడు.
ఆంధ్ర ప్రదేశ్ లోని విజయవాడకు చెందిన బుడ్డోడు అక్షిత్ . అతని వయసు రెండేళ్లు. ఇప్పుడిప్పుడే మాటలు వస్తున్నాయి. వయసు చిన్నదే అయినా కానీ తన మెమోరీ మాత్రం అమోగం. ఒక్కసారి మనం ఏదైనా చెప్తే చాలా అలా గుర్తుంచుకుంటాడు. ఏ దానైనా టక్కున గుర్తు పెట్టుకుంటాడు. ఎన్నో దేశాల జాతీయ జెండాలను గుర్తుపట్టేస్తాడు. ఇక దేశ రాజధానుల పేర్లు చెప్పమంటే గుక్క తిప్పుకోకుండా చెప్పేస్తాడు.
ఏది చూసినా.. ఏది విన్నా.. ఇట్టే గుర్తు పెట్టుకుంటాడు. మళ్లీ ఎప్పుడైనా దాని గురించి అడిగితే ఇట్టే చెప్పేస్తాడు. ప్రముఖుల ఫొటోలను చూపిస్తే.. చాలు వారి పేర్లు చేప్పేస్తాడు. ఎంతో కష్టమైన రసాయనాల పేర్లు చెప్పేస్తూ..అందరిని ఆశ్చర్యానికి గురి చేస్తున్నాడు. చిన్న వయసులోనే అక్షిత్ జనరల్ నాలెడ్జ్లో మంచి ప్రతిభ కనబరుస్తూ.. అందరితో బేష్ అనిపించుకుంటున్నాడు. తన ప్రతిభకు ఇండియా బుక్ ఆఫ్ రికార్డ్స్లో స్థానం లభించింది.
విజయవాడలోని అయ్యప్పనగర్లో మురళీకృష్ణ, శిరీష అనే దంపతులు జీవిస్తున్నారు. వారి కొడుకే.. అక్షిత్. మురళీ కృష్ణ ఒక బ్యాంకులో మేనేజర్, శిరీష హౌజ్ వైఫ్. అక్షిత్ కు ఏదాదిన్నర వయసు ఉన్నప్పుడే శిరీష అతనిలో ఉన్న నైపుణ్యాలను గుర్తించింది. దాంతో ఆ బుడ్డోడికి ప్రత్యేక శిక్షణ ఇప్పించారు. భవిష్యత్ లో అక్షిత్ సైంటిస్ట్ కావాలన్నది ఆ తల్లిదండ్రుల కోరిక.