మెగా ప్రిన్స్ వరుణ్ తేజ్ మొదటి సినిమా నుంచి గత చిత్రం గద్దలకొండ గణేష్ వరకు అన్ని వైవిధ్యమైన సినిమాలు చేస్తూ వస్తున్నాడు. చెప్పాలంటే టాలీవుడ్ లో ఉన్న యంగ్ హీరోలలో అన్నీ రకాల జోనర్స్ టచ్ చేస్తున్న హీరో ఒక్క వరుణ్ మాత్రమే. కథల ఎంపిక సూపర్బ్ అని చెప్పాలి. ముకుంద, కంచె, అంతరిక్షం, ఫిదా, ఎఫ్2, తొలిప్రేమ, గద్దలకొండ గణేష్ లాంటి సినిమాలు చూస్తుంటే వరుణ్ కి కథల విషయంలో ఎంత నాలెడ్జ్ ఉందో అర్థమవుతుంది.
ఇక వరుణ్ కి ఎలాంటి కథలైనా సూటవుతాయి. ఇందులో ఎలాంటి సందేహం లేదు. ఇక ప్రస్తుతం బాక్సర్ అన్న వర్కింగ్ టైటిల్ తో ఒక సినిమా చేస్తున్నాడు వరుణ్. ఈ సినిమా కోసం చాలానే శ్రమించాడు. బాక్సర్ కి తగ్గట్టుగా తన బాడీ ని షేప్ చేసుకున్నాడు. దాదాపు 3-6 నెలలు పాత్రకి తగ్గట్టు కష్టపడి తయారయ్యాడు. కొంత టాకీపార్ట్ జరిగాక కరోనా మహమ్మారితో అన్ని సినిమాల మాదిరిగానే ఈ సినిమా కూడా ఆగిపోయింది.
దాంతో ఇప్పటికే దాదాపు 5-6 నెలల గ్యాప్ వచ్చింది. ఈ గ్యాప్ లో వరుణ్ కాస్త లావయ్యాడని సమాచారం. మళ్ళీ ముందు లాగా పర్‌ఫెక్ట్ బాడీ రావాలంటే మళ్ళీ కొన్ని నెలలపాటు శ్రమించాల్సి ఉంటుందని చెప్పుకుంటున్నారు. అయితే బాక్సర్ టీం మళ్ళీ సినిమాని సెట్స్ మీదకి తీసుకు వెళ్ళాలని సన్నాహాలు చేస్తున్నారట. అయితే ప్రస్తుతం వరుణ్ తేజ్కి బాడీ తో షూటింగ్ నిర్వహించడం కష్టమన్న టాక్ వినిపిస్తుంది. మళ్ళీ వరుణ్ వర్కౌట్ చేసి పాత్రకి తగ్గట్టు తయారవడానికి సమయం పట్టినా ముందు ఉన్న లుక్ వచ్చేలా మేకర్స్ ప్లాన్ చేస్తున్నారట.
ఇక ఈ సినిమా తర్వాత మరోసారి వెంకీ తో కలిసి ఎఫ్ 2 సీక్వెల్ ఎఫ్ 3 లో నటిస్తాడని సమాచారం. అనిల్ రావిపూడి ఇప్పటికే స్క్రిప్ట్ సిద్దం చేసి ఉంచినట్టు వార్తలు వస్తున్నాయి. 2021 ప్రారంభంలో ఈ సినిమా మొదలుపెట్టాలని సన్నాహాలు చేస్తున్నారట. ఇక ఈ సినిమాని దిల్ రాజు నిర్మాతగా వ్యవహరిస్తారని తెలిసిందే.
Manchu Manoj: కూతురు పుట్టిన వెంటనే మంచు మనోజ్ చేసిన పనికి అవాక్ అయిన మౌనిక.. కన్నీళ్లు పెట్టుకుంటూ ఎమోషనల్..!