TDP: టీడీపీ TDP చంద్రబాబు నిర్ణయాలకు పార్టీలో వ్యతిరేకత వస్తోందా? అంటే పరిస్థితులు అవుననే అంటున్నాయి. పార్టీని ఇన్నేళ్లు నడిపించిన నాయకుడిగా.. 14 ఏళ్లు ముఖ్యమంత్రిగా చంద్రబాబుకు అనుభవం ఉంది. 1995 నుంచీ ఆయన ఆలోచనలే పార్టీకి బలం. కానీ.. ప్రస్తుతం ఆయన నిర్ణయాలకు ఎదురు చెప్పలేక సీనియర్లు, వ్యతిరేకిస్తూ కొత్త తరం.. పార్టీని సందిగ్దంలో పడేస్తున్నారనే వాదనలు వినిపిస్తున్నాయి. ఇటివల జరిగిన మహానాడు ఇందుకు వేదికైంది. నిజానికి పార్టీలోకి ఈసరికి కొత్త తరం ఉండాలి.. నిర్ణయాలు ప్రజలకు కొత్తగా ఉండాలి. కానీ.. చంద్రబాబు.. పాతికేళ్లనాటి ఆయన టీమ్ ఇప్పటికీ నడుస్తోంది. దీంతో లోకేశ్ కు చంద్రబాబుకు తీసుకునే నిర్ణయాల్లో వ్యతిరేకత వస్తుందని అంటున్నారు.
మహానాడులో హైలైట్ అయిన విషయం అంటే.. అంశాల వారీగా బీజేపీకి మద్దతిస్తాం అని ప్రకటన చేశారు. అయితే.. చంద్రబాబు అండ్ టీమ్ కు ఏమాత్రం అవకాశం ఇవ్వకుండా బీజేపీ నుంచి వచ్చిన యాంటీ రియాక్షన్ చంద్రబాబుకే షాక్ ఇచ్చింది. ఈ అంశంపై టీడీపీ మాత్రమే కాదు.. అనుకూల మీడియా నుంచి కూడా మాట్లాడలేకుండా చేసేసింది బీజేపీ. ఇదే ఇప్పుడు టీడీపీలో బీజేపీపై లోకేశ్ వర్గం సోషల్ మీడియా వేదికగా కామెంట్లు చేస్తోందని తెలుస్తోంది. బీజేపీపై వ్యతిరేక కమెంట్లు, పోస్టులు చేస్తూ చంద్రబాబు నిర్ణయానికి ఎదురెళ్తున్నారని అంటున్నారు. టీడీపీ అనుబంధ సోషల్ మీడియా గ్రూపుల్లో వస్తున్న పోస్టులే ఇందుకు నిదర్శనంగా నిలుస్తున్నాయి. టీడీపీ సోషల్ మీడియా వింగ్ అంతా లోకేశ్ కంట్రోల్ లోనే ఉంటుందనేది తెలిసిన విషయమే.
Read More:NTR-Bharat Ratna: ఎన్టీఆర్ కు “భారతరత్న” డిమాండ్.. కుటుంబ డ్రామానా..? ఏటా ఇంతేనా..?
అంటే.. చంద్రబాబు బీజేపీతో స్నేహం కోసం చూస్తుంటే.. కొత్త తరం మాత్రం ఇందుకు వ్యతిరేకంగా ఉన్నారని తెలుస్తోంది. 2018లో కాంగ్రెస్ కు మద్దతివ్వడం, 2019లో మోదీకి వ్యతిరేకతంగా వెళ్లి రాహుల్ ను ప్రధాని చేద్దాం అనడం.. ఇప్పుడు బీజేపీతో స్నేహం కోసం చూడటం.. ఇవన్నీ చంద్రబాబు తప్పిదాలుగా టీడీపీ నవతరం భావిస్తోందని చెప్పాలి. ప్రస్తుతానికైతే పార్టీలోనూ.. తండ్రీకొడుకుల మధ్య విబేధాలు ఉన్నాయనే వార్తలు ఎక్కడా లేవు. కానీ.. టీడీపీ సోషల్ మీడియా వింగ్ పోస్టులు చూస్తూంటే మాత్రం చంద్రబాబు నిర్ణయాలు కొత్త తరానికి రుచించడం లేదనే సంకేతాలు వెళ్తున్నాయని చెప్పాలి. మరి.. రానున్న రోజల్లో పార్టీలో ఏం జరుగుతుందో చూడాలి.
