తాగితే మత్తు.. అదో మాయ… తాగేందుకు ఎత్తులు.. అదో మాయ… తాగక చిత్తులు … అదో మాయ… తాగడానికి జిత్తులు ఇదో మాయ… అసలు మందే మాయ… అసలు ఎం తాగుతున్నామా అన్నాడు మాయ… కడుపులోకి ఎం వెళ్తుంది అన్నది మాయ… అంతా మాయ.. అన్ని మాయ… ఆంధ్ర లో మద్యం ఒక మాయ… అమ్మకం మరో మాయ… అమ్మేవారు ఇంకో మాయ…. ఈ మాయ ప్రపంచంలోకి ఒక సరి వెళ్ళొద్దాం రండి…
పైన బీరు బోటిల్ చూసారా ??
రెండు రోజుల క్రితమే ఆంధ్రప్రదేశ్ మద్యం దుకాణాల్లోకి వచ్చింది. పేరు అడగకండి…. రాస్తున్న మాకే నోరు తిరిగి చావడం లేదు.. చబీచు .. చాబాచు … చాచు… ఏదోలెండి … మనకెందుకు… ఐనా ఆంధ్ర మద్యం దుకాణాల్లో పేరు చెబితే మద్యం అమ్మే రోజులు ఎప్పుడో పోయాయి కదా..!! కేవలం 100 దా… 180 … 200 దా… లేక పైన అని అడిగితే ఉన్నా ఏవో ఏవేవో బ్రాండ్లు అమ్మడమే కదా… అవును ఈ పేరు కూడా తెలియని ఈ కొత్త, వింత బ్రాండ్లు ఆంధ్రకు ఎక్కడి నుంచి వస్తున్నట్లు..? అసలు గుర్తు కూడా తెలియని బ్రాండ్లు ఎలా వస్తున్నాయి..? ఒకసారి చూద్దాం రండి…
** పైన బోటిల్ గురించి చెప్పుకున్నాం కదా… అది నిజానికి అంతర్జాతీయ బ్రాండ్ బీరు… నిజమండి… భూటాన్ కి చెందిన సంస్థ తయారు చేస్తుంది. అందుకే దాని పేరు కూడా పలకడానికి వీలు లేనంతగా ఉంది.. మరి ఇంటర్నేషనల్ బ్రాండ్ ఎక్కడికి ఎలా వచ్చింది… మీరు ఏదో చెప్తారు గాని ఇంటర్నేషనల్ బ్రాండ్ తాగడం పెద్ద విషయం కదా అండీ… అనుకోకండి..
** నిజానికి అది బుటాన్ నుంచి వచ్చిన దిగుమతి అయినా బీరు కాదు… అక్కడి బ్రాండ్ ను ఇక్కడికి తీసుకువచ్చి ఆ కంపెనీ పేరు మీద లోకల్ మద్యం నింపి పోస్తున్న బీరు.. అంటే ఫ్రాంచైజీ మోడల్ అన్నట్లు… ఒక కంపెనీ పెట్టి… దానికి రకరకాల అనుమతులు తీస్కుని పెద్ద హంగామా చేసి కోట్లు ఖర్చు చేసే కన్నా, కేవలం ఏపీలో లేని కంపెనీ ల ఫ్రాంచైజీలు తీసుకోవడం… లోకల్ గా ఒక యూనిట్ స్టార్ట్ చేసి మద్యం తయారు చేయడం ఏపీ లో అధికార పార్టీ నాయకులూ చేస్తున్నపని..
** ఏపీలో ఎలాగూ కంపెనీల బ్రాండ్లు అమ్మడం లేదు. దొరకడం లేదు. ప్రభుత్వమే పిచ్చి పిచ్చి బ్రాండ్లు ప్రోత్సహాహిస్తోంది. దింతో ఇతర రాష్ట్రాల్లో ఉన్నా చిన్న చిన్న రిజిస్ట్రార్ కంపెనీల పేరును వాడుకుని మద్యం లోకల్ గా తయారు చేయడం పెద్ద వ్యాపారం అయిపొయింది. (ఉదా ; ఏపీ మద్యం దుకాణాల్లో కింగ్స్ వెల్ బ్రాందీ అనేది దొరుకుతుంది… ఇది 200 రూపాయలు… ఇది తమిళనాడుకి చెందిన బ్రాండ్. అక్కడ 80 రూపాయలకు క్వార్టర్ .. ఇక్కడ అదే పేరు 200 . తమిళనాడు కు చెందిన గ్రామీణ ప్రాంతంలో తయారయ్యే ఈ మద్యం బ్రాండ్ ని నెల్లూరు కి చెందిన ఓ వ్యాపారి కేవలం 50 లక్షలు ఇచ్చి బ్రాండ్ ని దక్కించుకున్నారు. యూనిట్ నెల్లూరు , తూర్పు గోదావరిలో పెట్టి తయారు చేస్తున్నారు ) ఇది ఒక బ్రాండ్ మాత్రమే కాదు… చాల బ్రాండ్స్ ది ఇదే దారి.
** కొన్ని చీప్ లిక్కర్ బ్రాండ్స్ అయితే కేవలం కంపెనీ రిజిస్ట్రేషన్ చేసి .. అత్యంత నాసిరకంగా తయారు చేస్తున్నారు. చీప్ లిక్కర్ సైతం 180 ఉన్నా… 80 విలువ చేసే మద్యం నాణ్యత కనిపించడం లేదు. కంపెనీ రిజిస్ట్రేషన్ పెట్టి తయారీ మద్యానికి సంబంధం లేకున్నా.. అలా చేయడం చట్ట విరుద్ధం అయినా పట్టించుకునే వారు లేరు… దాన్ని అడిగే వారు అసలే లేరు…
** మద్యం తయారీ.. వ్యాపారం చేస్తున్న వారిలో అందరు అధికార పార్టీ నాయకుల బంధువులు, అనుచరులు, మిత్రులే. ఎక్కువమంది తమ పేరు మీద కాకుండా వేరే వారి పేరు మీద పెట్టి వ్యాపారం చేస్తున్న మొత్తం పెట్టుబడి అధికార పార్టీ నాయకులదే …..
