కన్నడ హీరో ఉపేంద్ర విలక్షణ నటుడిగా సౌత్ సినిమా ఇండస్ట్రీలలో గొప్ప పేరు సంపాదించుకున్నాడు. డిఫ్రెంట్ జోనర్ లో తెరకెక్కే ఉపేంద్ర సినిమాలు యూత్ ని బాగా ఆకట్టుకునేవి. అయితే ఈ మద్య హీరోగా కాస్త ఊపు తగ్గింది. కాని ఆయన సినిమాలకి .. పోషించే క్యారెక్టర్స్ కి మాత్రం క్రేజ్ తగ్గలేదు. అందుకే టాలీవుడ్ మేకర్స్ తెలుగు సినిమాలలో ఉపేంద్ర ని నటింప చేయాలని ప్లాన్ చేస్తున్నారు.
మెగా ప్రిన్స్ వరుణ్ తేజ్ ఇప్పటికే ఒక సినిమా చేస్తున్న సంగతి తెలిసిందే. కిరణ్ కొర్రపాటి తెరకెక్కించనున్న ఈ సినిమా షూటింగ్ ఫిబ్రవరిలోనే ప్రారంభం అయి లాక్ డౌన్ కారణంగా ఆగిపోయింది. త్వరలో ఈ సినిమా సెట్స్ మీదకి రానుంది. బాక్సింగ్ బ్యాక్ డ్రాప్ లో తెరకెక్కనున్న ఈ సినిమాలో కన్నడ స్టార్ హీరో ఉపేంద్ర ప్రధాన పాత్రలో కనిపించనున్నాడు. మెగా ప్రిన్స్ వరుణ్ తేజ్ ఈ విషయాన్ని స్వయంగా వెల్లడించాడు.
ఉపేంద్ర గతంలో అల్లు అర్జున్‌తో కలిసి ‘సన్ ఆఫ్ సత్యమూర్తి’ సినిమాలో నటించిన సంగతి తెలిసిందే. త్రివిక్రమ్ శ్రీనివాస్ దర్శకత్వంలో వచ్చిన ఈ సినిమా మంచి కమర్షియల్ సక్సస్ ని సాధించింది. ఈ సినిమా తర్వాత తెలుగులో ఉపేంద్రకు చాలా ఆఫర్లు వచ్చినపటికీ ఏదీ కమిటవలేదు. అందుకు కారణం మేకర్స్ చెప్పిన పాత్రలు ఆయనని మెప్పించలేకపోవడమే. అలాంటిది ఇన్నేళ్ళకి మళ్ళీ వరుణ్ సినిమాలో నటించేందుకు ఒప్పుకున్నాడంటే ఖచ్చితంగా ఈ సినిమా సూపర్ హిట్ అందరూ భావిస్తున్నారు.
Manchu Manoj: కూతురు పుట్టిన వెంటనే మంచు మనోజ్ చేసిన పనికి అవాక్ అయిన మౌనిక.. కన్నీళ్లు పెట్టుకుంటూ ఎమోషనల్..!