UPI Money Transfer: ఇటీవల కాలంలో ఎక్కవ శాతం మంది స్మార్ట్ ఫోన్ లు వినియోగిస్తున్నారు అదే విధంగా నగదు రహిత లావాదేవీలు అధికంగా చేస్తున్నారు. మిత్రులకు గానీ షాపుల వద్ద గానీ యుపీఐ ట్రాన్స్ ట్రాన్స్ ఫర్ లే చేస్తున్నారు. యుపీఐ యాప్స్ ద్వారా క్షణాల వ్యవధిలో నగదు బదిలీలు జరుగుతున్నాయి. అయితే కొన్ని సందర్భాలలో కొందరు ఒక నెంబర్ కు మనీ ట్రాన్ ఫర్ చేయబోయి పొరబాటున మరో నెంబర్ కు నగదు బదిలీ చేస్తుంటారు. అయితే అలా జరిగిన సందర్భాల్లో ట్రాన్ ఫర్ అయిన మనీ వెనక్కు వస్తుందా రాదా అనే సందేహాలు చాలా మందికి ఉన్నాయి. కొందరు అయితే ఇక ఆ డబ్బు ఇక గోవిందా అనుకుంటుంటారు.
అయితే కొన్ని సందర్భాలలో అవతలి వ్యక్తి అంగీకారంతో ట్రన్స్ ఫర్ చేసిన మనీని తిరిగి పొందే అవకాశాలు ఉన్నాయి. ఏదైనా లావాదేవీలు చేయడానికి ముందు లబ్దిదారుల పూర్తి వివరాలను ఒకటి కి రెండు సార్లు చెక్ చేసుకోవడం మంచిదని బ్యాంకు అధికారులు సూచిస్తున్నారు. ఏదైనా పొరబాటు జరిగితే వెంటనే బ్యాంకును సంప్రదించి కంప్లైయింట్ రైజ్ చేస్తే.. వారు సదరు ట్రాన్స్ ఫర్ అయిన లబ్దిదారుడితో మాట్లాడి అతను ఒప్పుకంటే తిరిగి మనీ వాపస్ ట్రాన్స్ ఫర్ చేసే అవకాశాలు ఉంటాయి. పొరబాటున ఇతరుల ఖాతాలకు నగదు బదిలీ అయితే బ్యాంకు బాధ్యత వహించదని బ్యాంక్ ఆఫ్ బరోడా ప్రతినిధులు తెలియజేస్తున్నారు. అయితే నగదు ఒక సారి మాత్రమే రిటర్న్ చేసే ఛాన్స్ ఉందని పేర్కొంది.
మీరు నగదు పంపిన ఖాతా కూడా అదే బ్యాంకు కస్టమర్ అయితే వెంటనే బ్యాంకుకు ఫిర్యాదు చేయాలి. ఆ ఫిర్యాదును బ్యాంకు సిబ్బంది సదరు లబ్దిదారుడిని సంప్రదించి డబ్బును తిరిగి పంపమని రిక్వెస్ట్ పెడతారు. నగదు అందుకున్న వ్యక్తి అంగీకరిస్తే ఏడు పని దినాల్లో నగదు మీ బ్యాంకు ఖాతాకు తిరిగి వస్తుంది.
