Ramya Krishna: సినీ బ్యాక్ గ్రౌండ్ ఉండి సినీ ఇండస్ట్రీ కి వచ్చిన సక్సెస్ అయ్యిన వాళ్ళు అలాగే ఎటువంటి బ్యాక్ గ్రౌండ్ లేకుండా ఇండస్ట్రీ కి వచ్చి స్వయం కృషితో సూపర్ స్టార్స్ అయిన వాళ్ళు కూడా మన తెలుగు సినీ పరిశ్రమలో మనకి తారసపడుతుంటారు. హీరోయిన్ రమ్యకృష్ణ కూడా ఈ కోవకి చెందిన వారే. తన సినీ జీవితం లో ఎన్నో కష్టాలను ఎదురుకుని హీరోయిన్ అయ్యి 2003 వ సంవత్సరంలో దర్శకుడైన కృష్ణవంశీని వివాహం చేసుకున్నారు.
రమ్యకృష్ణ 1989 వ సంవత్సరంలో వచ్చిన “సూత్రధారులు” సినిమా ద్వారా ఆమెకి మంచి నటిగా పేరు వచ్చింది కానీ ఆతరువాత చాలా కాలం వరకు ఆమెకు వేరే సినిమాల్లో అవకాశాలు రాలేదట. ఇది ఇలా ఉండగా మరో వైపు రమ్యకృష్ణ ఏ చిత్రంలో నటిస్తే ఆ చిత్రం ఖచ్చితంగా ఫ్లాప్ అయిపోతుంది అన్న సెంటిమెంట్ టాలీవుడ్ లో ఏర్పడింది. అంతేకాకుండా అందరూ రమ్యకృష్ణను ఐరన్ లెగ్ లేడీ అని కూడా పిలవడం మొదలు పెట్టగా ఆమె తీవ్ర మనస్థాపానికి గురయ్యారట.
ఇక రమ్యకృష్ణ ఇండస్ట్రీ కి గుడ్ బై చెబుదాం అనుకుంటున్న సమయంలో చివరిగా ఒక్కసారి మళ్ళి ప్రయత్నం చేద్దాం అనుకుని 1992లో “అల్లుడుగారు” చిత్రం లో నటించారట. ఈ సినిమా ఆమె జీవితాన్ని మలుపు తిప్పింది. ఇక ఇది మొదలు దర్శకుడు కె.రాఘవేంద్రరావు తెరకెక్కించిన ఎన్నో సినిమాలలో రమ్యకృష్ణ నటించగా, దాదాపు ఆ సినిమాలు అన్నీ సూపర్ హిట్ అయ్యాయట. సినిమా లో రమ్యకృష్ణ నటిస్తే చాలు ఇక ఆ చిత్రం సూపర్ హిట్ అవుతుందని నిర్మాతలకు నమ్మకం వచ్చిందట.
ఇటీవల వచ్చిన “బాహుబలి” సినిమా లో ఆమె పాత్ర కు గాను దేశవ్యాప్తంగా ప్రేక్షకుల దృష్టిలో ఈమె పేరు శివగామి గా మారిపోయింది. ఇటువంటి పవర్ ఫుల్ పాత్ర లో నటించినందుకు ఆమెకు ‘లేడి క్వీన్’ అన్న పేరు కూడా వచ్చింది.