Cinnamon uses: మన వంట గదిలోనే మనకు తెలియని ఎన్నో రకాల ఔషదాలు దాగి ఉన్నాయి అనే విషయం మనకు తెలియదు. మన నిత్యం వంటలలో ఉపయోగించే ప్రతి వస్తువు కూడా ఏదో రకమైన అనారోగ్య సమస్య నుండి మనల్ని కాపాడుతుంది. ప్రతి చిన్న సమస్యకు మందులు మింగడం కంటే మన వంట గదిలో ఉండే వాటితోనే జబ్బులను తగ్గించుకుని మన ఆరోగ్యాన్ని మనమే కాపాడుకోవచ్చు. ముఖ్యంగా మనం వంటల్లో ఉపయోగించే మసాలా దినుసులలో కెల్లా దాల్చిన చెక్కకు ఒక ప్రత్యేక స్థానం ఉంది అనే చెప్పాలి. దాల్చిన చెక్క ఉపయోగం వలన మనకు ఎన్నో రకాల ఆరోగ్య ప్రయోజనాలు కలుగుతాయి.
దాల్చిన చెక్క ఉపయోగాలు:
మసాలా దినుసులలో కెల్లా ఈ దాల్చిన చెక్కలోనే ఎక్కువగా ఆంటిబయోటిక్స్ లక్షణాలు అధికంగా ఉన్నాయి.అయితే దాల్చిన చెక్క బాగా ఘాటుగా ఉంటుంది కాబట్టి దీనిని లిమితంగా తీసుకోవాలి.మరి దాల్చిన చెక్క వలన మనకు ఎలాంటి ఆరోగ్య ప్రయోజనాలు కలుగుతాయో తెలుసుకుందామా. ప్రస్తుత కాలంలో బరువు పెరగడం అనేది అతిపెద్ద సమస్యగా మారుతోంది. అయితే ఈ దాల్చినచెక్కను ఉపయోగించి మీ పెరుగుతున్న బరువును సులభంగా తగ్గించుకోవచ్చు.
బరువు తగ్గించే దాల్చిన చెక్క కషాయం :
అదెలా అని అనుకుంటున్నారా..ఇందుకోసం మీరు ఉదయాన్నే లేవగానే టిఫిన్ చేయడానికి అరగంట ముందు ఒక గ్లాసు నీటినీ తీసుకోని ఒక గిన్నెలో పోసి స్టవ్ మీద పెట్టి వేడి చేయాలి. తరువాత ఒక చెంచా దాల్చిన చెక్క పొడిని ఆ వేడి నీటిలో వేసి బాగా కాగనివ్వాలి. ఆ నీళ్లు బాగా మరిగిన తరువాత ఒక గ్లాసులోకి తీసుకుని అందులో రెండు చెంచాల తేనె వేసి కలిపి త్రాగాలి. ఇలా ప్రతిరోజు తాగడం వలన మీ బరువు చాలా వేగంగా తగ్గుతుంది.
దాల్చిన చెక్క టీ :
అలాగే చాలా మందికి ఉదయాన్నే టీ తాగే అలవాటు ఉండి ఉంటుంది. అలాంటి వారు టీలో కొద్దిగా దాల్చిన చెక్క పొడిని గాని లేదంటే చిన్న దాల్చిన చెక్క ముక్కను గాని వేసి బాగా మరిగించుకుని తాగిన ఫలితం ఉంటుంది కడుపు ఉబ్బరం కలిగినపుడు,ఆహారం త్వరగా జీర్ణం అవ్వనప్పుడు ఆ ఉబ్బరాన్ని తగ్గించేందుకు, మరియు ఆహారాన్ని సులభంగా జీర్ణం చేయడం కోసం ఎలా దాల్చిన చెక్క టీ పెట్టుకుని తాగితే ఉపయోగకరంగా ఉంటుంది..దాల్చిన చెక్క తినడం వలన ఆకలి పెరుగుతుంది. .